ஜனாதிபதியின் பெயரைப் பயன்படுத்தி ஐம்பது இலட்சம் மோசடி செய்த இந்தியர் கைது

by **நேசமுடன் ஹாசிம்** Mon 20 Jun 2011 - 10:13

ஜனாதிபதியின் பெயரைத் தவறாகப் பயன்படுத்தி ஐம்பது
இலட்சம் மோசடி செய்திருந்த இந்திய வர்த்தகர் ஒருவர் புறக்கோட்டையில் கைது
செய்யப்பட்டுள்ளார்.ஜனாதிபதி மற்றும் அவரது புதல்வர் நாமல் ராஜபக்ஷ
ஆகியோரின் மூலமாக ஏழரைக் கோடி ரூபா கடன் பெற்றுத் தருவதாக தெரிவித்தே
இலங்கை வர்த்தகர் ஒருவரிடம் அவர் ஐம்பது இலட்சம் ரூபாவை மோசடி
செய்திருந்தார்.
கடந்த வருடம் நவம்பர் மாதம் அவர் மேற்குறித்த ஐம்பது இலட்சம் ரூபாவைப்
பெற்றுக் கொண்டிருந்த போதிலும், வாக்களித்த பிரகாரம் கடன் தொகையை ஏற்பாடு
செய்து கொடுக்காத காரணத்தால் பணம் கொடுத்த வர்த்தகர் பொலிசில் முறைப்பாடு
செய்துள்ளார்.
அதன் பின் இந்திய வர்த்தகர் இலங்கைக்கு வருகை தந்தபோது கட்டுநாயக்க
விமான நிலையத்தில் வைத்துக் கைது செய்யப்பட்டிருந்தார். ஜனாதிபதி மற்றும்
குடும்பத்தினரின் பெயரைப் பயன்படுத்தி பண மோசடி செய்த குற்றச்சாட்டில்
வெளிநாட்டவர் ஒருவர் கைது செய்யப்பட்டிருப்பது இதுவே முதல் தடவை என்பதாக
குற்றப்புலனாய்வு அதிகாரிகள் தெரிவித்துள்ளனர்.