ஜயசூரியவின் சகலதுறை ஆட்டத்தால் இலங்கை பயிற்சிப் போட்டியில் வெற்றி

ஜயசூரியவின் சகலதுறை ஆட்டத்தால் இலங்கை பயிற்சிப் போட்டியில் வெற்றி
இங்கிலாந்துக்கு சுற்றுலாச் சென்றுள்ள இலங்கை அணி நேற்று முன்தினம் வொட்ஸர் செயர் அணியுடனான 50 ஓவர் போட்டியில் 57 ஓட்டங்களால் அபார வெற்றியீட்டியது.

மூத்த வீரரும், அதிரடித் துடுப்பாட்ட வீரருமான சனத் ஜயசூரிய நேற்று முன்தினம் இடம்பெற்ற போட்டியில் தனக்கு உரித்தான பாணியில் அதிரடியாக துடுப்பெடுத்தாடி 60 பந்துகளை எதிர்கொண்டு 10 பவுண்டரி 3 சிக்ஸர்கள் உட்பட 78 ஓட்டங்களைப் பெற்று இலங்கை அணிக்கு சிறப்பான ஆரம்பத்தை ஏற்படுத்திக் கொடுத்தார்.

இதேவேளை அஞ்சலோ மெத்திவ் 81 ஓட்டங்களையும் ஜீவன் மென்டிஸ் ஆட்டமிழக்காமல் 99 ஒட்டங்களையும் திலின கண்டம்பி 35 ஓட்டங்களையும் பிரசன்ன ஜயவர்தன 18 ஓட்டங்களையும் குலசேகர 13 ஓட்டங்களையும் பெற்றனர்.

இலங்கை அணி 50 ஓவர்கள் முடிவில் 5 விக்கெட்டை இழந்து 351 ஓட்டங்களைப் பெற்றது. வொட்ஸர் செயர் அணி சார்பாக சஹிட் அஜ்மல் 3 விக்கெட்டையும் வெலன், செளத்திரி தலா ஒரு விக்கெட்டையும் பதம்பார்த்தனர்.

இதேவேளை 352 ஓட்டங்கள் பெற்றால் வெற்றி எனப் பதிலெடுத்தாடிய வொட்ஸர் செயர் அணி 43.2 ஓவர்களில் 294 ஓட்டங்களைப் பெற்று சகல விக்கெட்டையும் இழந்தது.

இதேவேளை அவ் அணி சார்பாக மொகமட் அலி 136 ஓட்டங்களைப் பெற்றார். கமரூன் 65 ஓட்டங்களையும் கெர்வெஸி 45 ஓட்டங்களையும் பெற்றனர். ஏனைய வீரர்கள் குறைந்த ஓட்டங்களுக்கு ஆட்டமிழந்தனர். பந்து வீச்சைப் பொறுத்தவரை மலிங்க, அஜந்த மென்டிஸ் தலா 3 விக்கெட்டையும் சனத் ஜயசூரிய 2 விக்கெட்டையும் குலசேகர 1 விக்கெட்டையும் வீழ்த்தினர்.