தேனில் ஆறு வகையான அன்டிபயாடிக் எனப்படும் மருந்துகள் அதிக அளவில் கலந்திருக்கிறது:

நம் அன்றாட வாழ்க்கையில் எப்போதுமே முக்கிய இடத்தைப் பிடித்திருக்கும் தேனில் ஆறு வகையான அன்டிபயாடிக் எனப்படும் மருந்துகள் அதிக அளவில் கலந்திருக்கிறது என்று ஊநவெசந கழச ளுஉநைnஉந யனெ நுnஎசைழnஅநவெ (குளிர்பானங்களில் அதிக அளவில் பூச்சிமருந்துகள் கலந்திருப்பதைக் கண்டறிந்தவர்கள் இவர்களே) அறிக்கை வெளியிட்டிருக்கிறது.
பெரிய பெரிய கார்ப்பரேட் கம்பெனிகள் தேனையும் நவீன பொதிகளில்; விற்கிறார்கள். இவர்கள் யாரும் காட்டில் இயற்கையாகக் கிடைக்கும் தேனை எடுத்து விற்பதில்லை. அது சாத்தியமும் இல்லையென்பதால், தேனீக்களை பெரிய அளவில் வளர்த்துத் தேனை அறுவடை செய்பவர்களிடம் இருந்து வாங்குகிறார்கள். அல்லது தாங்களே அப்படி ஒரு பண்ணை வைத்துக்கொள்கிறார்கள். இவ்வாறு தேனீக்கள் செயற்கையான சூழல்களில் வளர்க்கப்படும் போது அவற்றுக்கு நோய்த் தொற்று ஏற்படாமல் இருக்க ஆன்டிபயாடிக் மருந்துகள் கொடுக்கப்படுகிறது. (கோழிப்பண்ணைகளிலும் இதே போல் ஆன்டிபயாடிக் ஊசிகள் போடப்படுகின்றன). இதுதான் தேனில் அன்டிபயாடிக் மருந்துகள் கலந்திருப்பதற்குக் காரணம் எனக் கூறப்படுகிறது.
இப்படி அதிக அளவு ஆன்டிபயாடிக் கலந்த தேனை நாள்பட சாப்பிடுவதால் இரத்தம் சம்பந்தப்பட்ட பிரச்சனைகள், சிறுநீரகம், ஈரல் பிரச்சனைகளும் ஏற்படலாம். மேலும், நம் உடம்பிலேயே அந்த ஆன்ட்டிபயாடிக்குகள் இருந்து கொண்டிருப்பதால், தேவையான சமயத்தில் கொடுக்கப்படும் போது அவை செயற்படாது போகலாம்.
சுத்தமானது எனக் கருதப்படும் இந்தத் தேனானது குழந்தைகள் முதல் பெரியவர்கள் வரை நோய்த் தாக்குண்டவர்களுக்குத் தரப்படுகிறது. இதனைவிட காலங் காலமாக சித்த, ஆயுர்வேத மருந்தாகவும் தேன் பயன்பட்டுக் கொண்டுடிருக்கிறது.
வெளிநாடுகளுக்கு ஏற்றுமதி செய்யப்படும் தேனில் குறைந்தளவாகக் காணப்படும் இந்த அன்டிபயாடிக் மருந்துகள் இந்தியா உட்பட்ட உள்நாடுகளில் அதிகளவாகக் காணப்படுகின்றதாக ஆய்வுகள் கூறுகின்றன. எந்த அளவு வரை அதிகபட்சமாக ஒவ்வொரு ஆன்டிபயாடிக் மருந்தும் தேனில் இருக்கலாம் என்று அமெரிக்கா மற்றும் ஐரோப்பிய நாடுகள் வரையரை வைத்துள்ளன. அந்த அளவுக்கு மேல் ஆன்டிபயாடிக் இருந்தால் அது தேனை சாப்பிடுபவர்களுக்குப் பாதுகாப்பானதல்ல. அத்தகைய தேனை அந்த நாடுகளும் அனுமதிப்பதில்லை.

சிறந்த தகவலுக்கு நன்றி.

தேன் என்றாலே தித்திப்புத்தான் தகவலுக்கு நன்றி