இலங்கைப் பெண்களில் 12 வீதமானோர் வெளிநாட்டு வேலைவாய்ப்பில்

by **நண்பன்** Sat 25 Jun 2011 - 14:04

இலங்கைப் பெண்களில் 12 வீதமானோர் வெளிநாட்டு வேலைவாய்ப்பில்
எம். எஸ். பாஹிம்
இலங்கையின் பெண்கள் சனத் தொகையில் 12 சதவீதத்திற்கும் அதிகமான வர்கள் வெளிநாட்டு வேலைவாய்ப்பில் ஈடுபட்டுள்ளனர். கடந்த 3 வருட காலத்தில் வெளிநாட்டில் தொழில் புரியும் பெண்களில் 345 பேர் பல்வேறு காரணங்களினால் இறந்துள்ளதாக ஆளும் தரப்பு பிரதம கொரடா தினேஷ் குணவர்தன தெரிவித்தார்.

வாய்மூல விடைக்காக வெளிநாட்டு வேலை வாய்ப்பு ஊக்குவிப்பு அமைச்சரிடம் கேட்கப்பட்ட கேள்விக்கு அமைச்சர் சார்பாக அவர் பதிலளித்தார். சபையில் சமர்ப்பிக்கப்பட்ட பதிலில் மேலும் குறிப்பிட்டதாவது:-

2008ல் 11 இலட்சத்து 70,068 பேரும், (11.43%) 2009ல் 12 இலட்சத்து 33,605 பேரும் (14.03%), 2010ல் 12 இலட்சத்து 40,854 பேரும் (11.93%) வெளிநாட்டுக்கு தொழில் பெற்றுச் சென்றனர்.

இதில் 2008ல் 111 பேரும் 2009ல் 125 பேரும் 2010ல் 109 பேரும் உயிரிழந்துள்ளனர். இதில் அதிகமானவர்கள் இயற்கை மரணமெய்தியவர்களாகும். 3 வருடத்தில் தற்கொலை செய்து கொண்டவர்கள் 26 பேர் கொலை செய்யப்பட்டவர்கள் 7 பேரும் வீதி விபத்தில் இறந்த 36 பேரும் அடங்குவர். தவிர்க்கக் கூடிய மரணங்கள் குறைக்க பல்வேறு நடவடிக்கைகள் மேற்கொள்ளப்பட்டுள்ளன. இவர்கள் வெளிநாடு செல்வதற்கு முன்னர் கட்டாய பயிற்சிகள் வழங்கப்படுகிறது. வெளிநாட்டில் பணிபுரியும் போது ஏற்படும் அவசர தேவைகளின் போது தலையீடு செய்யவும் உதவிகள் வழங்கவும் நடவடிக்கை எடுக்கப்பட்டுள்ளது.