கலைஞர் தொலைக்காட்சிக்கு பணம் கொடுத்தது ஏன்?

by **நண்பன்** Sat 25 Jun 2011 - 14:12

கலைஞர் தொலைக்காட்சிக்கு பணம் கொடுத்தது ஏன்? இந்தியா சிமெண்ட்ஸிடம் விளக்கம் கேட்க சிபிஐ முடிவு
கலைஞர் தொலைக்காட்சி நிறுவனத்துக்கு பணம் கொடுத்தது ஏன் என்று சீன சீனிவாசினின் இந்தியா சிமெண்ட்ஸ் நிறுவனம், மதுபான வியாபாரி விஜய் மல்லையாவின் யுபி (யுடினடட் பிரிவெரிஸ்) குரூப் நிறுவனத்திடம் விளக்கம் கேட்க சிபிஐ முடிவு செய்துள்ளது.

2ஜி அலைக்கற்றை ஒதுக்கீட்டால் பன்பெற்ற டிபி குரூப் நிறுவனம் அளித்த இந்திய ரூ. 200 கோடிக்கும் அதிகமான பணத்தை முதலீடாகக் கொண்டுதான் கலைஞர் தொலைக்காட்சி தொடங்கப்பட்டது என்று குற்றச்சாட்டு உள்ளது. இது தொடர்பாக கைது செய்யப்பட்டுள்ள கலைஞர் தொலைக்காட்சியில் பங்குதாரரும், முன்னாள் முதல்வரின் மகளுமான கனிமொழி, கலைஞர் தொலைக்காட்சி மேலாண்மை இயக்குநர் சரத்குமார் ஆகியோர் சிறையில் உள்ளனர்.

இந்நிலையில் இந்த வழக்கில் அடுத்த குற்றப்பத்திரிகையை நீதிமன்றத்தில் ஜூலை முதல் வாரத்தில் சி.பி.ஐ. தாக்கல் செய்யவுள்ளது. இது தொடர்பான விசாரணையின் போது இந்தியா சிமெண்ட்ஸ, யுபி குரூப் நிறுவனம் கலைஞர் தொலைக்காட்சிக்கு பணம் கொடுத்துள்ளது தெரியவந்துள்ளது எனவே இது தொடர்பாக அந்த நிறுவனங்களிடம் விளக்கம் கேட்க உள்ளதாக சிபிஐ தெரிவித்துள்ளது.

இந்த நிறுவனங்களிடம் இவ்வாறு விளக்கம் கேட்பதால் குற்றம் நடந்துள்ளது. கண்டுபிடிக்கப்பட்டுள்ளது என்று அர்த்தமில்லை என்றும் சிபிஐ வட்டாரம் தெரிவித்துள்ளது.

இந்தியா சிமெண்ட்ஸ் நிறுவனத்தின் என். சீனிவாசன், இந்திய கிரிக்கெட் கட்டுப்பாட்டு சபை (பி.சி.சி.ஐ) செயலராகவும் உள்ளார். அவரிடம் இந்த விவகாரம் குறித்து தொடர்பு கொண்ட போது, “சிபிஐ எங்களிடம் விளக்கம் கேட்கவுள்ளதாக என்பது குறித்து இதுவரை தனக்கு எதுவும் தெரியாது’ என்று தெரிவித்துள்ளார். யுபி குரூப் நிறுவனத்தின் துணைத் தலைவர் பிரகாஷ் மிர்பூரி இது தொடர்பாக அறிக்கை வெளியிட்டுள்ளார்.

by **நேசமுடன் ஹாசிம்** Sat 25 Jun 2011 - 18:30

செய்தியறிவித்தமைக்கு நன்றி

கலைஞர் தொலைக்காட்சிக்கு பணம் கொடுத்தது ஏன்?

கலைஞர் தொலைக்காட்சிக்கு பணம் கொடுத்தது ஏன்?

Re: கலைஞர் தொலைக்காட்சிக்கு பணம் கொடுத்தது ஏன்?