பார்க்க பார்க்க அழகாக தெரியும் நாயகி

லட்சக்கணக்கான வெளிநாடு வாழ் இந்தியர்களில் முதல் ஐம்பது பேரில் ஒருவராக அந்தஸ்து பெற்றுள்ளார் டொக்டர் வி.ராமதாஸ்.
”யுவன் யுவதி” திரைப்படம் மூலம் தயாரிப்பாளராகவும் அறிமுகமாகிறார். சிறந்த வெளிநாடு வாழ் இந்தியர் என்ற விருதை பிரதமர் மன்மோகன்சிங் கைகளாலும் வாங்கியிருக்கிறாராம் இவர்.

பரத், ரீமா கல்லிங்கல் ஜோடியாக நடித்திருக்கிறார்கள். படத்தை ஜி.என்.ஆர். குமரவேல் இயக்கியிருக்கிறார். சமீபகாலமாக சினிமா ரசிகர்களை கொமெடியால் குலுக்கிப் போடும் சந்தானம் இப்படத்தில் இருக்கிறார் என்பது தான் சிறப்பு.

ஆறுமுகம், பழனி, திருத்தணின்னு ஒரே ஆக்ஷன் படமா பண்ணிட்டு இருந்தேன். அந்த நேரத்தில் தான் இந்த படத்தில் நடிக்கும் வாய்ப்பு வந்தது. படம் முழுக்க கலகலன்னு சிரிச்சிட்டே இருக்கிற மாதிரி கதை.

அமெரிக்காவுக்கு செல்லும் கனவில் இருக்கிற ஒருவனுக்கு திடீர்னு காதல் வருது. அந்த காதலினால் என்னென்ன பிரச்சினைகளை அவன் சந்திக்கிறான் என்பது தான் ”யுவன் யுவதி” என்றார் பரத். இப்படத்தின் முதல் நாள் விளம்பரத்தில் ஒரு பெண்ணின் துப்பட்டாவுக்குள் ஒரு காதல் ஜோடி முகத்தை மறைத்துக் கொண்டிருப்பது போல டிசைன் செய்திருந்தார்கள். அந்த புகைப்படம் எடுக்கும் போது துப்பட்டாவுக்கு உள்ளே என்ன பண்ணிட்டு இருந்தீங்க என்றார் நிகழ்ச்சி தொகுப்பாளர். இவர் ஒரு ரேடியோ ஜாக்கியும் கூட.

இப்படி ஒரு அசுர கேள்வியை எதிர்பார்க்காத பரத், முதலில் திருதிருவென்று விழித்தார். அப்புறம் அவரே சுதாரித்துக் கொண்டு சொன்ன பதிலை கேட்டு ஆர்.ஜே. வின் முகத்தில் அரை லிட்டர் எண்ணெய். அது சும்மா விளம்பரத்துக்காக செட் பண்ணி எடுத்தது போலிருக்கு. உண்மையை சொல்லணும்னா அது நாங்களே இல்லை என்றார் பரத்.

படத்தின் நாயகி ரீமா கல்லிங்கல் முதலில் பார்க்கும் போது அழகாக இருக்க மாட்டார். நீங்க பார்க்க பார்க்க தான் அழகா தெரிவார் என்று இயக்குனர் சொல்ல, அந்த பெண்ணின் முகத்தில் தெரிந்த கவலையை பார்க்கணுமே.