விஜய் அவார்ட்ஸ் !

தமிழ் சினிமாவிற்கு என்று விஜய் டி.வி தனியாக விருதுகள் வழங்கி கெளரவித்து வருகிறது. ஐந்தாவது ஆண்டு விருதுகள் வழங்கும் விழா சென்னையில் சனிக்கிழமை (ஜூன் 25 ) நேரு உள் விளையாட்டு அரங்கில் நடைபெற்றது.

அவ்விழாவில் விருது பெற்றவர்கள் விவரம் :

சிறந்த நடிகர் - விக்ரம் (ராவணன்)
சிறந்த நடிகை - அஞ்சலி (அங்காடி தெரு)
சிறந்த வில்லன் - ரஜினிகாந்த் (எந்திரன்)
சிறந்த காமெடியன் - சந்தானம் (பாஸ் (எ) பாஸ்கரன்)
சிறந்த இயக்குனர் - வசந்த பாலன்(அங்காடி தெரு)
சிறந்த கதை, திரைக்கதை - பிரபு சாலமன்(மைனா)
சிறந்த இசையமைப்பாளர் - ஏ.ஆர்.ரஹ்மான் (விண்ணைத்தாண்டி வருவாயா)
சிறந்த பாடகர் - விஜய் பிரகாஷ் (ஹோசனா - விண்ணைத்தாண்டி வருவாயா)
சிறந்த பாடகி - ஸ்ரேயா கோசல் (மன்னிப்பாயா - விண்ணைத்தாண்டி வருவாயா)
சிறந்த பாடலாசிரியர் - வைரமுத்து (தென்மேற்கு பருவக்காற்று)
சிறந்த துணை நடிகர் - தம்பி ராமையா (மைனா)
சிறந்த துணை நடிகை - சரண்யா பொன்வண்ணன் ( தென்மேற்கு பருவக்காற்று)
சிறந்த ஒளிப்பதிவாளர் - ரத்னவேலு (எந்திரன்)
சிறந்த நடன இயக்குனர் - தினேஷ் (ஜில்லா விட்டு - ஈசன்)
சிறந்த பட அணி - மைனா
சிறந்த படம் - அங்காடி தெரு (ஐங்கரன்)
சிறந்த ஆர்ட் டைரக்டர் - செல்வகுமார் (மதராசப்பட்டினம்)
சிறந்த சண்டை இயக்குனர் - அனல் அரசு (நான் மகான் அல்ல)
சிறந்த எடிட்டிங் - காசி விஸ்வநாதன் (நான் மகான் அல்ல)

சிறந்த புதுமுக நடிகர் - வித்தார்த்(மைனா)
சிறந்த புதுமுக நடிகை - அமலா பால்(மைனா)
சிறந்த அறிமுகம் - கார்க்கி (எந்திரன்)
சிறந்த பொழுதுபோக்காளர் - சூர்யா (சிங்கம்)

சிவாஜி கணேசன் விருது - கே.பாலசந்தர்
வாழ்நாள் சாதனையாளர் விருது - சுந்தரம் (நடன இயக்குனர்)
பொதுநல சேவை விருது - லாரன்ஸ்


விஜய் டிவி ரசிகர்கள் தேர்வு என்று சில விருதுகள் அறிவிக்கப்பட்டது

சிறந்த நடிகர் - ரஜினிகாந்த் (எந்திரன்)
சிறந்த நடிகை - த்ரிஷா( விண்ணைத்தாண்டி வருவாயா)
சிறந்த இயக்குனர் - ஷங்கர் (எந்திரன்)
சிறந்த பாடல் - என் காதல் சொல்ல(பையா, யுவன் சங்கர் ராஜா)
சிறந்த படம் - எந்திரன் (சன் பிக்சர்ஸ்)


அவ்விருது வழங்கும் நிகழ்ச்சியில் நடைபெற்ற சில துளிகள் :

* நடன இயக்குனர் சுந்தரத்திற்கு விருது அறிவிக்கப்பட போது ராஜுசுந்தரம், பிரபுதேவா, நாகேந்திர பிரசாத் என அவருடைய மகன்களுடன் மேடையேறி விருதை பெற்று கொண்டார்.

* அவருடைய சிஷ்யர்களான நடன இயக்குனர்கள் ஷோபி, தினேஷ் ஆகியோர் சுந்தரம் நடனம் அமைத்த பாடல்களுக்கு நடனம் ஆடி அவருக்கு நன்றி தெரிவித்தார்கள்.

* உடல்நிலை சரியில்லாத காரணத்தால் வர இயலாத ரஜினியின் விருதை தனுஷ் பெற்றுக் கொண்டார். அப்போது ரஜினியின் கடிதம் ஒன்றை படித்தார். 'அனைவரது பிராத்தனைக்கும் அன்புக்கும் நன்றி' என்று அக்கடிதத்தில் குறிப்பிட்டிருந்தது.

* சிறந்த காமெடியன் விருதை பெற சந்தானம் மேடையேறி உதயநிதி ஸ்டாலின், இயக்குனர் ராஜேஷ், விடிவி கணேஷ் ஆகியோரை கிண்டல் செய்து அனைவரும் சிரிப்பு மழையில் நனைய வைத்தார். " கணேஷுக்கு இருக்கும் ஒரே போட்டியாளர் கே.ஜேசுதாஸ் தான்.. கணேஷ் எனக்காக ஒரு பாட்டு பாட வேண்டும் " என்று சொல்ல, அரங்கம் சிரிப்பில் மூழ்கியது.

* கே.பாலசந்தர் விருதை வாங்கிக் கொண்டு பேசும் போது " தாதா சாகிப் பால்கே விருது அறிவிக்கப்பட்டு இருக்கிறது. அதை நான் இன்னும் நான் வாங்கவில்லை. இந்த விருதை எனக்கு வழங்கி ஆச்சர்யத்தை ஏற்படுத்தி இருக்கிறார்கள். இவ்விருதை தாதா சாகிப் பால்கே விருதிற்கு சமமாக கருதுகிறேன் " என்று கூறினார்.

விருது பெற்றவர்களுக்கு வாழ்த்துக்கள்.