நினைவின் மடியில்

by **அப்துல்லாஹ்** Wed 29 Jun 2011 - 10:53

என்னவளே என் உயிரே
எனக்காய் பிறந்தாய் என்னுள் புகுந்தாய்
வாழ்ந்த காலம் கொஞ்சமாகிலும்- நீ
வசித்தது எந்தன் நெஞ்சமல்லவா
சூழ்ந்த துன்பம் யாவற்றிலும்- எனை
சுகப்படக் காப்பாற்றிக் கரையேற்றினாய்
எல்லாக் காலத்தின் மணித் துளியிலும்- நீ
இல்லாத நினைவுகள் என்னுள் இல்லை
கைத்தலம் பற்றிய கற்பக விருட்சமே
மேகமாய் நானுந்தன் முகவரி தேடி
சோகமாய் அலைகிறேன் - நீ எங்கே?

என்னோடு நீ வாழ்ந்தாய் - காற்றறியும்
என்னோடு உறவுற்றாய் - கருவறியும்
என்னோடு மகிழ்ந்து நின்றாய் _ நிலவறியும்
என்னோடு பிணக்குற்றாய் - நானறிவேன்

இன்று
எனை விட்டு பறந்துவிட்டாய் - நானறியேன்
உன் நினைவில் நான்...

by **நேசமுடன் ஹாசிம்** Wed 29 Jun 2011 - 11:11

பிரிந்துவிட்ட ஒரு காதலா இது என்று கேள்வி எழுகிறது கவிதையில்

அபாரமான இந்தக்காதல் ஏன் பிரிந்தது என்று நினைக்கத்தோன்றுகிறது

கற்பனைக்காய் வரைந்ததா உண்மையின் பிரதிபலிப்பா எனவும் மனம் கேட்கிறது

எதுவாகினும் காதலையும் பிரிவையும் படைத்து இறைவனல்லவா அவன் நாட்டம் எல்லாவற்றிலும்

கவிதை அழகான வரிகள் அசத்தல் கவிஞரே