குடும்பத்திருவிழா கொண்டாடிய ரா ரா பட நாயகன் உதயா

ஜேஷன் ஸ்டுடியோஸ் சார்பில் ”ரா ரா” படத்தை தயாரித்துள்ளார்கள் நடிகர் உதயாவும் அவரின் மனைவி கீர்த்திகாவும்.
படத்தின் இசை வெளியீட்டு விழாவை குடும்பத்திருவிழாவாக நடத்தி மகிழ்ச்சியடைந்துள்ளார்கள்.

இசைக்குறுந்தகடை இயக்குனர் எஸ்.பி. முத்துராமன் வெளியிட, அரசியல் பிரமுகர் ஏ.சி.சண்முகம் பெற்றுக்கொண்டார். இயக்குனர்கள் அகத்தியன், பிரபு சாலமன், விஜய், தேசிய விருது பெற்ற நடிகை சரண்யா பொன்வண்ணன் ஆகியோர் கலந்து கொண்டு விழாவை சிறப்பித்துள்ளார்கள்.

ராயபுரம், ராயப்பேட்டை இரண்டும் சென்னையின் முக்கியமான இடங்கள். இங்கே சாதி, மாத பேதமின்றி பலத்தரப்பட்ட மக்களும் வாழ்ந்து வருகிறார்கள். வள்ளுவரின் குறள் நெறியில் ஒரு கதை களத்தை அமைத்துள்ளோம். ”அன்பும் அறனும் உடைத்தாயின் இல்வாழ்க்கை பண்பும் பயனும் அது” என்ற குறளுக்கு செல்லுலாயிட் வடிவம் கொடுத்துள்ளோம்.

இதில் நாயகனாக நான் நடித்துள்ளேன். நாயகன், தன் மனதுக்கு பிடித்தமான பெண்ணை ஒரு விபத்தில் சந்திக்கிறான். அவளை நாயகன் எப்படி கைப்பிடித்தான் என்பதை தரமான குடும்ப பாங்கான பொழுபோக்கு சித்திரமாக கொடுத்துள்ளோம்.

பல படங்களில் நாயகனுக்கு நாயகியை அடைய பிரச்சினை உண்டாகும். ஆனால், ”ரா ரா” படத்தில் நாயகனுக்கு புதிய பிரச்சினை ஏற்படுகிறது. அதை எவ்வாறு சமாளித்து, நாயகன் வாழ்க்கையில் வெற்றி பெறுகிறான் என்பதே படத்தின் கதை.

படத்தின் இறுதிக்காட்சி சீரியஸாக செல்லும். ஆனால், ரசிகர்கள் நினைத்து நினைத்து சிரிக்க காட்சிகளை அமைத்துள்ளோம். நாயகியாக என்னுடன் சுவேதா பாசு நடித்துள்ளார். மேலும், பொன்வண்ணன், சூசன், சத்யன், ஆதித்யா, மீரா கிருஷ்ணன், சிந்து சியாம், சத்ய சாய், ஓம் முத்துமாரி மற்றும் பலர் நடித்துள்ளார்கள். இசை ஸ்ரீ காந்த் தேவா, சரவணன், சுராஜ் கவி, வைரபாலன், கனல் கண்ணன் மற்றும் பலர் பணியாற்றியுள்ளார்கள். கீர்த்திகா உதயா படத்திற்காக பாடலை பாடியுள்ளார் என்று ”ரா ரா” படத்தின் நாயகன் உதயா கூறியுள்ளார்.