ஐஸ்வர்யா கர்ப்பம் குறித்து அமிதாப் அறிவித்தது ஏன்: அபிஷேக் விளக்கம்

by **நேசமுடன் ஹாசிம்** Sun 3 Jul 2011 - 6:54

ஐஸ்வர்யா ராய் கர்ப்பமடைந்த செய்தியை அமிதாப்பச்சன் டிவிட்டரில் வெளியிட்டார் என்பது அனைவரும் அறிந்ததே.
இதுகுறித்து அபிஷேக் பச்சன் கூறியது: விரைவில் ஐஸ்வர்யாவுக்கு குழந்தை பிறக்கப் போவதை எண்ணி மகிழ்ச்சியாக உள்ளேன். குழந்தையை எப்படி ஆளாக்க வேண்டும், என்னென்ன கற்றுக்கொடுக்க வேண்டும் என்பது பற்றி இன்னும் முடிவு செய்யவில்லை.

மனைவி கருவுற்ற தகவல் கேட்டவுடன் முதலில் மகிழ்ச்சி ஏற்பட்டாலும் குழந்தை வளர்ப்பு குறித்து காரணமில்லாத பயம் இருக்கிறது. எல்லோருக்கும் உள்ள பதற்றம் எனக்கும் இருக்கிறது.

ஐஸ்வர்யாவுக்காக நான் நேரம் ஒதுக்குவது குறைவு. ஆனால் குழந்தை பிறந்தாலும் கூட குழந்தைக்கு ஒதுக்கும் நேரத்தைவிட என்னை கவனிப்பதில் ஐஸ்வர்யா அதிக கவனம் செலுத்துவார். இதற்கு என்ன காரணம் என்று விவரிக்க தெரியவில்லை.

ஐஸ்வர்யா கர்ப்பம் பற்றி எனது தந்தை(அமிதாப்பச்சன்) டிவிட்டரில் அறிவித்தது பற்றி கேட்கிறார்கள். அதற்கு காரணம் இருக்கிறது. குடும்ப தலைவர் என்ற வகையில் அதை அவர் தான் தெரிவிக்க வேண்டும் என்று விரும்பினேன்.

எனது சகோதரி ஸ்வெட்டா பிறந்த போது அதை எனது தாத்தா தான் வெளியுலகிற்கு அறிவித்தார் என்று தந்தை என்னிடம் கூறி இருக்கிறார். அந்த மரியாதையை நானும் காப்பாற்ற வேண்டும் அல்லவா?.