பத்திரிகையாளரை கண்டித்த தனுஷ்

by **sadir** Tue 5 Jul 2011 - 13:12

நேற்று காலை தனுஷின் அண்ணனான செல்வராகவனுக்கும், கீதாஞ்சலிக்கும் திருமணம் வரவேற்பு நடைபெற்றது.
இந் நிகழ்ச்சி சென்னையில் உள்ள லீ ராயல் மெரிடியன் எனும் 5 நட்சத்திர ஹோட்டலில் நடைபெற்றது. அந்த திருமணத்தில் நடிகர் தனுஷ் தன் குடும்பத்துடன் கலந்து கொண்டார்.

தனுஷும் அவரது மனைவி ஐஸ்வர்யாவும் அவரது மூத்த மகன் யாத்ராவும், இரண்டாவது மகன் லிங்காவும் மணமேடைக்கு முன்பு அமர்ந்திருந்தனர். அதைப் பார்த்த பத்திரிகை புகைப்படக்காரர்கள் அவர்களை குடும்ப சகிதமாக போட்டோக்களை எடுத்தனர்.

இதனைப் பார்த்த தனுஷ் பத்திரிகையாளர்களிடம் ஒரு வேண்டுகோள் வைத்தார். "தயவு செய்து என் குழந்தைகளின் போட்டோக்களை பத்திரிகையில் வெளியிட வேண்டாம். அது அவர்களின் சுதந்திரத்தை பறித்துவிடும்" என்றார்.

தனுஷின் வேண்டுகோளை பத்திரிகையாளர்கள் அனைவரும் ஏற்றுக் கொண்டனர். இன்று காலை பிரபல செய்திதாளைப் பார்த்த தனுஷ் அதிர்ச்சிக்குள்ளானர். அவர் வேண்டுகோளை அனைத்து பத்திரிகையாளர்களும் ஏற்றுக் கொண்டிருந்தனர்.

ஆனால் பிரபல தமிழ் காலை நாளிதழ் ஒன்று அவரது குழந்தைகளின் போட்டோவினை இன்று வெளியிட்டுவிட்டது. இதனால் அந்த பத்திரிகையாளரின் மீது தனது கோபத்தை வெளிப்படுத்தியுள்ளார் தனுஷ்.

"நான் அவ்வளவு சொல்லியும் கேட்காமல், என் மகன்களின் போட்டோக்களை வெளியிட்டது ஏன்?" என்று அந்த பத்திரிகையாளரை அழைத்து கண்டித்துள்ளார். இதனால் தன் குடும்ப விழாக்களுக்கு குறிப்பிட்ட பத்திரிகை நிறுவனத்தினரை அழைக்கக் கூடாது என்ற முடிவில் இருக்கிறார் தனுஷ்.