நின்ற லாரி மீது கார் மோதல்தூத்துக்குடி முதியவர் பலி.!

by *சம்ஸ் Tue 21 Dec 2010 - 6:39

திருநெல்வேலி:நெல்லை அருகே லாரி மீது கார் மோதியதில் வெளிநாட்டில் இருந்து வந்தவர் பரிதாபமாக பலியானார்.தூத்துக்குடி மட்டக்கடையை சேர்ந்தவர் முகமது அலி உதுமான்(60). இவர் வெளிநாட்டில் வேலை பார்த்து வந்தார். இவர் வெளிநாட்டில் இருந்து விமானம் மூலம் திருவனந்தபுரம் வந்தார். இவரை அழைத்து வருவதற்காக செய்துங்கநல்லூர், விட்டிலாபுரத்தை சேர்ந்த டிரைவர் குமார் காரில் சென்றார். அங்கிருந்து முகமது அலி உதுமானை காரில் குமார் அழைத்து வந்தார்.கார் பொன்னாக்குடி விலக்கில் வந்த போது முன்னால் நின்ற லாரி மீது மோதியது. இதில் காரில் பயணம் செய்த முகமது அலி உதுமான், அவரது நண்பர்கள் தூத்துக்குடியை சேர்ந்த சுசியேந்திரன், ராஜாமணி, ஜெயபால் படுகாயமடைந்தனர்.காயமடைந்த 4பேரும் பாளை. ஐகிரவுண்ட் ஆஸ்பத்திரியில் சேர்க்கப்பட்டனர். அங்கு சிகிச்சை பலனின்றி முகமது அலி உதுமான் இறந்தார்.இதுகுறித்து முன்னீர்பள்ளம் போலீசார் வழக்கு பதிவு செய்து விசாரணை நடத்தி வருகின்றனர்.