கண்ணனைத் தாலாட்டும் பாடல் (ஆயர் பாடி மாளிகையில் )

by **Atchaya** Wed 6 Jul 2011 - 15:13

ஆயர் பாடி மாளிகையில்
தாய் மடியில் கன்றினைப் போல்
மாயக் கண்ணன் தூங்குகின்றான்
தாலேலோ !

அவன் வாய் நிறைய மண்ணை உண்டு
மண்டலத்தைக் காட்டியபின்
ஓய்வெடுத்து தூங்குகின்றான்
ஆராரோ!

பின்னலிட்ட கோபியரின்
கன்னத்திலே கன்னமிட்டு
மன்னவன் போல்
லீலை செய்தான் தாலேலோ
அந்த மந்திரத்தில் அவர் உறங்க
மயக்கத்தில் இவனுறங்க
மண்டலமே உறங்குதம்மா
ஆராரோ!

நாகப்படம் மீதில் அவன்
நர்த்தனங்கள் ஆடியதில்
தாகமெல்லாம் தீர்த்துக்கொண்டான்
தாலேலோ
அவன் மோக நிலை கூட
ஒரு யோக நிலை போலிருக்கும்
யாரவனைத் தூங்கவிட்டார் ஆராரோ
யாரவனைத் தூங்கவிட்டார் ஆராரோ !

கண்ணனவன் தூங்கிவிட்டால்
காசினிலே தூங்கிவிடும்
அன்னையரே துயிலெழுப்ப வாரீரோ!
அவன் பொன்னழகைப் பார்ப்பதற்கும்
போதை முத்தம் பெறுவதற்கும்
கன்னியரே கோபியரே வாரீரோ!
கன்னியரே கோபியரே வாரீரோ!

ஆயர்பாடி....