செட்டிநாட்டு ஈரல்.

by **ஹம்னா** Wed 6 Jul 2011 - 18:54

சாதத்தில் சுடச்சுட பிசைந்து சாப்பிட, சுவையான செட்டிநாட்டு ஈரல் செய்ய கற்றுத் தருகிறார், மதுரை ராயல்கோர்ட் சமையல் நிபுணர் சுப்பையா.

தேவையானவை:

ஆட்டு ஈரல்: 100 கிராம்
நல்லெண்ணெய்: 25 மில்லி
பெருஞ்சீரகப்பொடி: கால் டீஸ்பூன்
மிளகாய் வற்றல்: இரண்டு
கறிவேப்பிலை: சிறிதளவு
மஞ்சள் பொடி: சிறிதளவு
மிளகாய் பொடி: அரை டீஸ்பூன்
மல்லி பொடி: ஒரு டீஸ்பூன்
தேங்காய்: அரைமூடி
உப்பு: தேவைக்கேற்ப

செய்முறை:

ஈரலை சிறு துண்டுகளாக வெட்டவும். தேங்காயை மிக்சியில் அரைத்து எடுக்கவும். வாணலியில் எண்ணெய் ஊற்றி வற்றல், கறிவேப்பிலை வதக்கி ஈரல் துண்டுகளை சேர்க்கவும். தண்ணீர் விடாமல் 15 நிமிடங்கள் எண்ணெயில் வேகவிடவும். அதன்பின் பொடி வகைகளை சேர்த்து கிளறி, உப்பு, அரைத்த தேங்காய், சிறிதளவு தண்ணீர் சேர்த்து ஐந்து நிமிடங்கள் கொதிக்க வைக்க வேண்டும். சிறு துண்டுகளாக இருப்பதால், குழந்தைகள் விரும்பி சாப்பிடுவர்.

சமையல் நேரம்: 25 நிமிடங்கள்