அரிசி சேவை வடை.

by **ஹம்னா** Wed 6 Jul 2011 - 19:07

பருப்பு வடை வழக்கமாக செய்வது தானே. ஒரே மாதிரி செய்வதை விட, கொஞ்சம் வித்தியாசப்படுத்தி செய்தால் தான், சுவையும் புதிதாக இருக்கும். இடியாப்பத்துடன் பருப்பு வடை செய்ய கற்றுத் தருகிறார், மதுரை பார்சூன் பாண்டியன் ஓட்டல் தலைமை சமையல் நிபுணர் பாலசுப்ரமணியன், சமையல் நிபுணர் சாம்ராட் அசோக்.

தேவையானவை:
கடலைபருப்பு - 100 கிராம்
இடியாப்பம் - 100 கிராம்
(கடையில் கிடைக்கும்)
வெங்காயம் - ஒன்று
கறிவேப்பிலை - சிறிதளவு
மல்லி தழை - சிறிதளவு
பச்சை மிளகாய் - இரண்டு
சோம்பு - ஒரு ஸ்பூன்
உப்பு - தேவையான அளவு
இஞ்சி - சிறிதளவு
எண்ணெய் - பொறிப்பதற்கு

செய்முறை :
கடலைபருப்பை அரைமணி நேரம் ஊறவைத்து, தண்ணீரை வடிக்க வேண்டும்.
வெங்காயம், இடியாப்பம் தவிர அனைத்தையும் சேர்த்து நன்றாக அரைக்க வேண்டும்.
வெங்காயத்தை மாவுடன் பிசைய வேண்டும்.
சிறு சிறு உருண்டையாக எடுத்து லேசாக தட்டையாக்கி, இடியாப்பத்தில் புரட்டி எடுத்து, கொதிக்கும் எண்ணெயில் இட்டு பொறிக்க வேண்டும்.
எண்ணெயில் இடும் போது, இடியாப்பம் பொரிந்து மேலாக இருக்கும்.
உட்பகுதியில் மாவின் மென்மை என வித்தியாசமான சுவையில் இருக்கும்.
சமையல் நேரம்: 15 நிமிடங்கள்.