கஷ்மீரி ரொட்டி.

by **ஹம்னா** Wed 6 Jul 2011 - 19:47

கீரைகளை கொண்டு சப்பாத்தி செய்வதும் ருசியாக இருக்கும். இங்கே உலர்பழங்களை கொண்டு காஷ்மீரி ரொட்டி செய்ய கற்றுத் தருகிறார், மதுரை ராயல்கோர்ட் உணவு நிபுணர் குழந்தைவேல்.

தேவையானவை:

கோதுமை மாவு - அரை கிலோ
உலர் திராட்சை - 25 கிராம்
டூட்டி புரூட்டி - 50 கிராம்
உலர்ந்த செர்ரி - 25 கிராம்
முந்திரி பருப்பு - 50 கிராம்
தேன் - இரண்டு தேக்கரண்டி
நெய் - தேவையான அளவு
உப்பு - தேவையான அளவு

செய்முறை:
கோதுமை மாவை உப்பு, தண்ணீர் சேர்த்து சப்பாத்தி மாவு பதத்திற்கு பிசைந்து வைக்க வேண்டும்.
உலர்பழங்களை பொடியாக நறுக்கியும், முந்திரி பருப்பை உடைத்தும், தேன் கலந்து பூரணம் தயாரிக்க வேண்டும்.
உருண்டைகளாக மாவை பிடித்து, சப்பாத்தியாக தேய்க்க வேண்டும்.
நடுவில் பூரணத்தை வைத்து நன்றாக
மூடி, மீண்டும் சப்பாத்தியாக தேய்க்க வேண்டும்.
நெய் ஊற்றி தோசைக்கல்லில் பொன்னிறமாக திருப்பி எடுக்க வேண்டும்.
சப்பாத்தியை நான்காக வெட்டியெடுத்து, சாஸ் உடன் குழந்தைகளுக்கு பரிமாறலாம்.
சமையல் நேரம்: 15 நிமிடங்கள்