மசாலா மோர்.

by **ஹம்னா** Fri 8 Jul 2011 - 10:49

கடும் வெயில் ஆரம்பித்துவிட்டது. வெயிலில் அலைந்து களைத்து வீட்டுக்குள் நுழைந்தவுடன் ஒரு டம்ளர் ஜில் மோர் எதிர்பார்ப்போம். எவ்வளவு நாள்தான் வெறும் மோரைக் குடித்துக் கொண்டிருப்பது?

மசாலா மோர் குடிப்போமா?!

குறைந்த செலவில் நிறைந்த சுவையுடன் குளிர்ச்சியைத் தரவல்ல மசாலா மோர் தயாரிப்பது மிகவும் சுலபம்.

தனியா, சீரகம், காய்ந்த மாங்காய், மாதுளை விதைகள், பட்டை, கிராம்பு, ஏலக்காய், காய்ந்த இஞ்சி, கறுப்பு மிளகு, கறுப்பு உப்பு போன்ற பல பொருட்களால் தயாராகும் சாட் மசாலா, மோருக்கு ஒரு ஸ்பைஸ் சுவையைத் தருவதுடன் விரும்பத்தக்க மணத்தையும் அளிக்கும்.

பச்சை நிற இலைகளுக்கே உரித்தான வைட்டமின் சி நிறைந்த கொத்தமல்லித் தழை, புதினா இலைகள், நோய் எதிர்ப்பு சக்தி தரும் எலுமிச்சம் பழம், வயிறு காக்கும் ஸ்பெஷலிஸ்டான இஞ்சி மற்றும் பெருங்காயம், வைட்டமின் ஏ சத்து மிக்க கறிவேப்பிலை போன்றவற்றைச் சேர்த்து நாம் செய்யப்போகும் ஸ்பைசி மசாலா மோர் உடல் ஆரோக்கியத்துக்கும் உகந்தது.

மோரில் நாம் சேர்க்கும் உப்பானது வெயிலில் சென்று வியர்வை மூலமாக நாம் இழக்கும் உப்புச் சத்தை சட்டென ஈடுகட்டி உடல் அயர்ச்சியை போக்க வல்லது.

கூலான ஸ்பைசி மசாலா மோரை தயாரிக்க

தேவையானவை:

தயிர் 2 கப்
தண்ணீர் 6 கப்
எலுமிச்சை சாறு 2 டேபிள் ஸ்பூன்
உப்பு தேவையான அளவு

தாளிக்க:

எண்ணை- 1 டீஸ்பூன்
கடுகு 1 ஸ்பூன்
இஞ்சி விழுது 1 டீஸ்பூன்
பெருங்காயம் 1 சிட்டிகை
பொடியாக அரிந்த கறிவேப்பிலை சிறிதளவு
பொடியாக அரிந்த பச்சைமிளகாய் 2

அலங்கரிக்க:

கொத்தமல்லித் தழை சிறிதளவு
புதினா இலைகள் சிறிதளவு
சாட் மசாலா 1 ஸ்பூன்
கறுப்பு உப்பு 1 ஸ்பூன்

செய்முறை:

தயிருடன் தண்ணீர் ஊற்றி, மத்தால் நன்கு சிலுப்பி எலுமிச்சை சாறு, உப்பு சேர்த்துக் கலக்கவும்.

தாளிக்க என்ற தலைப்பில் கொடுக்கப்பட்டுள்ள பொருட்களைத் தாளித்து, மோரில் போடவும்.

பொடியாக அரிந்த கொத்தமல்லித் தழை, ஆய்ந்த புதினா இலைகள், சாட் மசாலா, கறுப்பு உப்பு சேர்த்துக் கலந்து, தேவையானால் குளிர்சாதனப் பெட்டி அல்லது பானையில் வைத்து ஜில்லென்று கொடுக்கவும்.

கூல்... கூல்... ஸ்பைசி மசாலா மோர் ரெடி!

சுவைக்கான குறிப்பு
தேவையானால் கொத்தமல்லி, புதினா, கறிவேப்பிலை, பச்சை மிளகாய் எல்லாவற்றையும் அரைத்து விழுதாகவும் சேர்க்கலாம்.

by **kalainilaa** Fri 8 Jul 2011 - 12:57

:”@:

by **Atchaya** Fri 8 Jul 2011 - 13:24

என் மனைவி சமையல் திலகம் ஹம்னாவின் தீவிர ரசிகையாகி விட்டார்கள். ஹம்னாவின் சமையல் குறிப்பு வந்திருக்கிறதா என்று கேட்டார்கள். நிறைய என்று சொன்னேன்..எல்லாம் படித்து சூப்பர்..என்று சொன்னார்கள்....சொல்லிவிட்டேன் சகோதரி ஹம்னா அவர்களே.... :!+:

by **ஹம்னா** Sun 10 Jul 2011 - 20:28

mravi wrote:என் மனைவி சமையல் திலகம் ஹம்னாவின் தீவிர ரசிகையாகி விட்டார்கள். ஹம்னாவின் சமையல் குறிப்பு வந்திருக்கிறதா என்று கேட்டார்கள். நிறைய என்று சொன்னேன்..எல்லாம் படித்து சூப்பர்..என்று சொன்னார்கள்....சொல்லிவிட்டேன் சகோதரி ஹம்னா அவர்களே....

ரொம்ப நன்றி அண்ணா அண்ணிக்காக இன்னும் சமையல் குறிப்புக்கள் தருகிறேன். மசாலா மோர். 930799

by *சம்ஸ் Thu 14 Jul 2011 - 6:39

mravi wrote:என் மனைவி சமையல் திலகம் ஹம்னாவின் தீவிர ரசிகையாகி விட்டார்கள். ஹம்னாவின் சமையல் குறிப்பு வந்திருக்கிறதா என்று கேட்டார்கள். நிறைய என்று சொன்னேன்..எல்லாம் படித்து சூப்பர்..என்று சொன்னார்கள்....சொல்லிவிட்டேன் சகோதரி ஹம்னா அவர்களே.... :!+:

@. @. @. @.

by **ஹம்னா** Sat 16 Jul 2011 - 22:15

:];: :];:

by Sponsored content

மசாலா மோர்.

மசாலா மோர்.

Re: மசாலா மோர்.

Re: மசாலா மோர்.

Re: மசாலா மோர்.

Re: மசாலா மோர்.

Re: மசாலா மோர்.

Re: மசாலா மோர்.