பனீர், காளான் பூரணம்.

by **ஹம்னா** Fri 8 Jul 2011 - 10:53

மிளகாய் பஜ்ஜி, கத்தரிக்காய், உருளைக்கிழங்கு பஜ்ஜி சாப்பிட்டிருப்போம். வித்தியாசமாக, பனீரை துருவிய காளான் பஜ்ஜி செய்ய கற்றுத் தருகிறார், மதுரை ராயல்கோர்ட் ஓட்டல் சமையல் நிபுணர் கணேசன்.

தேவையானவை :

காளான் - 200 கிராம்
பனீர் - 150 கிராம்
முந்திரி பருப்பு - 50 கிராம்
வேர்க்கடலை - 25 கிராம்
மைதா - 150 கிராம்
சோளமாவு - 75 கிராம்
முட்டை - இரண்டு
எண்ணெய் - பொறிப்பதற்கு
பிரட் தூள் - 250 கிராம்
உப்பு - தேவையான அளவு

செய்முறை:

காளானை கழுவி சுத்தம் செய்து, மையத் தண்டை நீக்கி விடவேண்டும்.
முந்திரிபருப்பு, வேர்க்கடலையை சிறுகுருணையாக அரைத்து, அதனுடன் துருவிய பனீரை சேர்க்கவும்.
மைதா, சோளமாவு, உப்புடன் முட்டையை சேர்த்து நன்கு அடித்து பிசையவும். தேவைப்பட்டால், கொஞ்சம் தண்ணீர் விட்டு, பஜ்ஜி மாவு பதத்தில் கரைத்துக் கொள்ள வேண்டும்.
முந்திரி, வேர்க்கடலை, பனீர் குருணையை காளானின் மையப்பகுதியில் அடைத்து, பஜ்ஜி மாவில் மூழ்க வைத்து, எண்ணெயில் பொறித்தெடுக்க வேண்டும்.
வித்தியாசமான இந்த சுவை, குழந்தைகளை மிகவும் ஈர்க்கும்.
சமையல் நேரம்: 20 நிமிடம்