குமார் சங்ககார மீது இலங்கை விளையாட்டுத்துறை அமைச்சு விசாரணைக்கு உத்தரவு

by **நேசமுடன் ஹாசிம்** Sat 9 Jul 2011 - 8:34

முன்னாள் இலங்கை அணித்தலைவர் குமார் சங்ககார, லண்டனில் நிகழ்த்திய உரை தொடர்பில், இலங்கை விளையாட்டு துறை அமைச்சு விசாரணைக்கு உத்தரவிட்டுள்ளது.

வடமேற்கு லண்டனில் உள்ள Marylebone Cricket Club அழைப்பின் பெயரில், வீட்டில் கிரிக்கெட் எனும் தலைப்பில் குமார் சங்க கார உரை நிகழ்த்தினார். அதன் போது

நிர்வாக சபையில் அரசியல் தலையீடுகள், தவறாக பயன்படுத்தப்படும் நிதி என்பதால் நட்சத்திர வீரர்கள் பலர் பாதிக்கப்படுவதாகவும் வீரர்கள் மத்தியில் தவறான அபிப்பிராயம் மற்றும் அவநம்பிக்கையை தூண்டிவிடுவதாகவும் அவர் சுட்டிக்காட்டியிருந்தார்.

அரசியல்வாதிகளின் குறுக்கீடு இல்லாமல் கிரிக்கெட் நிர்வாக சபை உறுப்பினர்கள் தெரிவு செய்யப்பட வேண்டும் என ஐசிசி உத்தரவு பிறப்பித்துள்ளதையும் அவர் பாராட்டினார்.

நேர்மை, வெளிப்படை தன்மை, பொறுப்பு மற்றும் கட்டுப்பாடுகளுடன் கூடிய கிரிக்கெட் நிர்வாக சபை உருவாகப்பட வேண்டிய தேவையையும் அவர் சுட்டிக்காட்டினார்.

குறித்த கிரிக்கெட் கிளப்பில் சுய பாணியில் சொற்பொழிவு வழங்கிய இளவயது நபர் எனும் பெருமையை பெற்ற அவர், சொற்பொழிவு முடிந்த போது கூட்டத்தில் இருந்தோரின் கரகோசத்தையும் பெற்றுக்கொண்டார்.

மறைந்த முன்னாள் இங்கிலாந்து கேப்டன் கொலின் MC காவ்ரே நினைவாக குறித்த விரிவுரை நிகழ்வு 2001 இல் தொடங்கி வைக்கப்பட்டது.

உலக கோப்பை இறுதி போட்டியில் இலங்கை தோல்வி அடைந்ததை அடுத்து சங்ககர கேப்டன் பதவியிலிருந்து விலகினார்.