இயக்குனர் செல்வராகவன்-கமல்ஹாசன் கிரியேடிவ் மோதல்

சினிமாவில் முன்னணி கதாநாயகர்கள், படங்களில் நடிப்பதற்கு முன் இயக்குனரிடம் முழுமையாக திரைக்கதை தயாராக உள்ளதா? என்பதை அறிந்த பின்னரே களமிறங்குவதாக ஹோலிவுட் பட வட்டாரம் கூறுகிறது.
இதில் ”ஆயிரத்தில் ஒருவன்” படத்துக்கு பிறகு தனுஷை நாயகனாக வைத்து 'இரண்டாம் உலகம்' படத்தை இயக்கிய இயக்குனர் செல்வராகவன் அடுத்து உலகநாயகன் கமல்ஹாசனின் நடிப்பில் படத்தை இயக்குவதாக தமிழ் சினிமாவில் தகவல் பரவியது.

”விஸ்வரூபம்” என்ற பெயரில் கமல்ஹாசனை நாயகனாக வைத்து செல்வராகவன் இயக்கும் படத்திற்கான ஆரம்பக்கட்ட வேலைகள் துவங்கும் முன்னரே இருவருக்குமிடையே 'க்ரியேடிவ்' விடயத்தில் கருத்து வேறுபாடு ஏற்பட்டதாக கூறுகிறார்கள்.

இயக்குனர் செல்வராகவன் ஹோலிவுட்டில் தேர்ந்த இயக்குனர் தான், வளமான கற்பனைத்திறனை காட்டக்கூடியவர் தான்.

படப்பிடிப்பிற்கு செல்லும் முன் முழுமையாக திரைக்கதையை இயக்குனர் வைத்திருக்க வேண்டும் என இன்றைய முன்னனி நாயகர்கள் எதிர்பார்க்கிறார்கள்.

செல்வராகவன் போன்ற இயக்குனர்கள் ஒவ்வொரு நாளும் தங்களின் திரைக்கதையில் மாற்றம் செய்ய இறங்கி விடுகிறார்கள்.

இதனால் படத்தை ஆரம்பிக்கும் போது இருந்த வடிவம் போய், இறுதியில் படம் வேறு மாதிரி வந்து விடுகிறது.

இன்றைக்கு படப்பிடிப்பிற்கு கிளம்பும் முன் திரைக்கதையிலிருந்து 'பிலிம் மேக்கிங்' வரை சரியான திட்டமிடலோடு இறங்கவேண்டியது அவசியமாக உள்ளது.

அப்படி செயல்பட்டால்தான் வெற்றிப் படத்தை தர முடியும் என்கிறார்கள்.

உலக நாயகன் கமல் ஹாசனை திருப்திபடுத்தும் வகையில் திரைக்கதையை தீட்டி இயக்குனர் செல்வராகவன் படம் பண்ணுவாரா என்பது இனிமேல்தான் தெரியவரும்.