இட்லி மஞ்சூரியன்.

by **ஹம்னா** Wed 13 Jul 2011 - 18:06

தேவையானவை

இட்லி - மூன்று
இஞ்சி, பூண்டு விழுது - 10 கிராம்
பச்சை மிளகாய் - ஒன்று
பெரிய வெங்காயம் - ஒன்று
தக்காளி சாஸ் - 40 கிராம்
சோயா சாஸ் - ஒரு டீஸ்பூன்
மிளகாய் பொடி - 10 கிராம்
மிளகு தூள் - சிறிதளவு
சீனி - அரை டீஸ்பூன்
எண்ணெய் - பொரிப்பதற்கு
உப்பு- தேவைக்கேற்ப
வெங்காயத் தாள் - மூன்று

செய்முறை :

இட்லியை நான்கு துண்டுகளாக வெட்டிக் கொள்ளவும்.
வாணலியில் எண்ணெய் ஊற்றி, காய்ந்ததும் இட்லித் துண்டுகளை பொன்னிறமாக பொரித்தெடுக்கவும்.
பச்சை மிளகாய், வெங்காயம், வெங்காயத் தாள்களை பொடியாக நறுக்கிக் கொள்ளவும்.
வாணலியில் சிறிதளவு எண்ணெய் ஊற்றி, பச்சை மிகாய், வெங்காயத்தை சேர்த்து பொன்னிறமாக வதக்க வேண்டும்.
இதனுடன் இஞ்சி, பூண்டு விழுதை சேர்த்து பச்சை வாசனை மறைந்தபின் தக்காளி, சோயா சாஸ், மிளகாய் பொடி, உப்பு சிறிதளவு தண்ணீர் ஊற்றி, சற்றே கெட்டியாகும் வரை வதக்க வேண்டும்.
இதனுடன் மிளகுத்தூள், சீனி சேர்த்து கிளறி, கடைசியாக இட்லியை சேர்த்து நன்றாக கிளற வேண்டும்.
பரிமாறும் போது வெங்காயத்தாள்களை மேலாக தூவி அலங்கரிக்கலாம்.
அதிக காரம் சாப்பிடாதவர்கள், மிளகாய் பொடியின் அளவை குறைக்கலாம்.
குழந்தைகளுக்கும் மிதமான காரத்தில் கொடுத்தால் விரும்பிச் சாப்பிடுவர்.
சமையல் நேரம்: 20 நிமிடங்கள்

by *சம்ஸ் Wed 13 Jul 2011 - 19:47

என்னாச்சி இன்று சமையல் குறிப்பாகவே உள்ளதே!
இன்று உங்களின் வீட்டில் எதனும் விசேஷமா? ஹம்னா

இட்லி மஞ்சூரியன்.

இட்லி மஞ்சூரியன்.

Re: இட்லி மஞ்சூரியன்.