"சிரியன்' பிரியாணி.

by **ஹம்னா** Wed 13 Jul 2011 - 18:45

தேவையானவை
சிக்கன் - கால் கிலோ
பிரியாணி அரிசி - அரை கிலோ
வெங்காயம் - 150 கிராம்
தக்காளி - 100 கிராம்
பச்சை மிளகாய் - 20 கிராம்
பட்டை, கிராம்பு, ஏலக்காய், அன்னாசி பூ - 10 கிராம்
இஞ்சி, பூண்டு விழுது - 15 கிராம்
எண்ணெய் - 50 மில்லி
உப்பு - தேவையான அளவு
புதினா, மல்லி தழை - சிறிதளவு

செய்முறை

அரிசியை கழுவி 10 நிமிடங்கள் ஊறவைக்க வேண்டும்.
வெங்காயம், தக்காளி, பச்சை மிளகாய் பொடியாக நறுக்கவும்.
வாணலியில் எண்ணெய் ஊற்றி, காய்ந்ததும் பட்டை, கிராம்பு, ஏலக்காய், அன்னாசிப்பூவை சேர்த்து வதக்க வேண்டும். இதனுடன் இஞ்சி, பூண்டு, தக்காளி, சிக்கனை ஒன்றன் பின் ஒன்றாக சேர்த்து வதக்க வேண்டும்.
அதன்பின் தேவைக்கேற்ப தண்ணீர் மற்றும் உப்பு சேர்த்து கொதிக்கவிட வேண்டும்.
கொதித்து வரும் போது அரிசியை சேர்த்து 10 நிமிடங்கள் வேகவிட வேண்டும்.
அதன்பின் புதினா, மல்லிதழையை பொடியாக நறுக்கி மேலாக தூவி, மூடியின் மேல் கங்கு வைத்து "தம்' கட்டவும்.