சிக்கன் மஞ்சூரியன்.

by **ஹம்னா** Wed 13 Jul 2011 - 19:14

தேவையானவை :
எலும்புடன் கூடிய அல்லது
எலும்பில்லாத சிக்கன் - அரை கிலோ
முட்டை - ஒன்று
சோள மாவு - 100 கிராம்
மிளகுத்தூள், உப்பு - சிறிதளவு
எண்ணெய் - பொறிப்பதற்கு
கிரேவி செய்ய:
சோள மாவு - 15 கிராம்
பூண்டு - நான்கு பல்
இஞ்சி - 25 கிராம்
பச்சை மிளகாய் - இரண்டு
பெரிய வெங்காயம் - ஒன்று
சோயா சாஸ் - 15 மில்லி
தக்காளி சாஸ் - 15 மில்லி
சிவப்பு மிளகாய் பேஸ்ட் - அரை டீஸ்பூன்
கேரட் - 25 கிராம்
எண்ணெய் - 50 மில்லி
உப்பு - தேவையான அளவு
ஸ்பிரிங் ஆனியன் - அலங்கரிக்க

செய்முறை:

சிக்கனை சிறுசிறு துண்டுகளாக வெட்டி சுத்தம் செய்ய வேண்டும்.
இதனுடன் முட்டை, சோள மாவு, உப்பு, மிளகுத்தூள், சிறிதளவு தண்ணீர் விட்டு நன்கு பிசைய வேண்டும்.
வாணலியில் எண்ணெய் ஊற்றி காய்ந்தபின், சிக்கனை பொரித்தெடுக்க வேண்டும்.
கிரேவி செய்வதற்கு, வெங்காயம், பூண்டு, கேரட், இஞ்சி, பச்சை மிளகாயை பொடியாக நறுக்கவேண்டும்.
வாணலியில் 50 மில்லி எண்ணெய் ஊற்றி வெங்காயம், பூண்டு, பச்சை மிளகாய், இஞ்சி, கேரட்டை ஒன்றன்பின் ஒன்றாக சேர்த்து வதக்க வேண்டும்.
அடுத்ததாக மிளகாய் பேஸ்ட், சோயா, தக்காளி சாஸ், சோளமாவு, உப்பு, சிறிதளவு தண்ணீர் சேர்த்து கொதிக்கவிட வேண்டும். கிரேவி ஓரளவு கெட்டியாக வரும் போது, பொரித்த சிக்கனை சேர்த்து இரண்டு நிமிடங்கள் வதக்கி இறக்கி விடலாம்.
இதை சப்பாத்தி அல்லது சாதத்துடன் பிசைந்து சாப்பிடலாம். சுக்கா போல வேண்டுமெனில், கிரேவியை நன்றாக வற்றச் செய்து, பொரித்த சிக்கனை சேர்த்து சிலநிமிடங்கள் புரட்டி எடுக்க வேண்டும்.
குழந்தைகளுக்கு சுக்காவாக செய்து கொடுத்தால், விரும்பி சாப்பிடுவார்கள்.
கடைசியாக ஸ்பிரிங் ஆனியன் தண்டை பொடியாக தூவி அலங்கரிக்கலாம்.
சமையல் நேரம் : 25 நிமிடங்கள்.

by *சம்ஸ் Wed 13 Jul 2011 - 20:32

ஒன்று சொன்னால் என்னை அடிக்க மாட்டிங்கலே ஹம்னா உங்கள் அவரு கொடுத்துவைத்தவர்

சிக்கன் மஞ்சூரியன்.

சிக்கன் மஞ்சூரியன்.

Re: சிக்கன் மஞ்சூரியன்.