30 வகை உசிலி - பொடிமாஸ் ரெசிபி

by **ஹம்னா** Wed 13 Jul 2011 - 19:46

அநியாயத்துக்கு கறிகாய் விலை ஏறிப்போய் நிக்குதே..! அரை கிலோ வாங்கின காசுக்கு, கால் கிலோ வாங்கறதே அதிசயமாத்தான் இருக்கு. கால் கிலோ காயை வாங்கி சமைச்சா... யாருக்கும் நிரக்க மாட்டேங்குதே..!'’

- சமீப மாதங்களாக ஊர் முழுக்க இதே புலம்பல்தான்.

இந்தச் சிக்கலுக்கு, ''கால் கிலோ காயா இருந்தாலும், பருப்பு, தானியம், கடலைனு கலந்து கட்டி சமைச்சுப் பாருங்க... கறிகாய் சாப்பிட்ட திருப்தி முழுசா கிடைச்சுடும். சாப்பாடு, சப்பாத்தி, பூரினு எல்லாத்துக்கும் தொட்டுக்கலாம்... கலந்த சாதமாகவும் தயாரிக்கலாம்'' என்று அருமையாக தீர்வு தருகிறார் 'சமையல் திலகம்' ரேவதி சண்முகத்தின் சிஷ்யை... வளசரவாக்கம், பாரதி முரளி. அவருடைய கைவண்ணத்தில் இங்கே இடம் பிடிக்கிறது முப்பது வகை பொடிமாஸ்-உசிலி ரெசிபி!

ரெடி... ஸ்டெடி... குக்..!

பீட்ரூட் பொடிமாஸ்

தேவையானவை:

பீட்ரூட் - அரை கிலோ, மலர வேக வைத்த கடலைப்பருப்பு - அரை கப், மிளகாய்த்தூள் - 2 டீஸ்பூன், தேங்காய் துருவல் - 2 டேபிள்ஸ்பூன், கறிவேப்பிலை - சிறிதளவு, கடுகு, உளுத்தம்பருப்பு, மஞ்சள்தூள் - தலா ஒரு டீஸ்பூன், பாதாம் - 10, எண்ணெய் - 3 டீஸ்பூன், உப்பு - தேவையான அளவு.

30 வகை உசிலி - பொடிமாஸ் ரெசிபி Avl104

செய்முறை:

பீட்ரூட்டை தோல் நீக்கி துருவிக் கொள்ளவும். கடாயில் எண்ணெய் விட்டு, காய்ந்ததும் கடுகு, உளுத்தம்பருப்பு தாளிக்கவும். துருவிய பீட்ரூட், உப்பு, மஞ்சள்தூள் சேர்த்து, மிதமான தீயில் காய் வேகும் வரை கிளறவும். இதில் மிளகாய்த்தூள், கடலைப்பருப்பு, தேங்காய் துருவல், கறிவேப்பிலை சேர்த்துக் கிளறி இறக்கவும். பாதாமை வெறும் கடாயில் நன்றாக சிவக்க வறுத்து, பொடித்து சேர்க்கவும்.

by **rinos** Wed 13 Jul 2011 - 19:48

://:-: ://:-: :”@:

by **ஹம்னா** Wed 13 Jul 2011 - 19:49

பீன்ஸ் உசிலி

தேவையானவை:

பீன்ஸ் - கால் கிலோ, வெள்ளை கொண்டைக்கடலை - 200 கிராம், காய்ந்த மிளகாய் - 3, பெருங்காயத்தூள் - அரை டீஸ்பூன், மஞ்சள்தூள் - ஒரு டீஸ்பூன், கடுகு - கால் டீஸ்பூன், எண்ணெய் - 5 டீஸ்பூன், உப்பு - தேவையான அளவு.

30 வகை உசிலி - பொடிமாஸ் ரெசிபி Aval105

செய்முறை:

பீன்ஸை பொடியாக நறுக்கி, அரை டம்ளர் தண்ணீர் விட்டு, உப்பு சேர்த்து, குழையாமல் வேக வைக்கவும். கொண்டைக்கடலையை வேக வைத்து, காய்ந்த மிளகாய் சேர்த்து உதிர் உதிராக அரைத்துக் கொள்ளவும். கடாயில் எண்ணெய் விட்டு, காய்ந்ததும் கடுகு தாளித்து, அரைத்து வைத்துள்ள கொண்டைக்கடலை கலவையைப் போட்டு... மஞ்சள்தூள், பெருங்காயத்தூள் சேர்த்து உதிராக வரும் வரை கிளறவும். பிறகு வேக வைத்த பீன்ஸை சேர்த்துக் கிளறி இறக்கவும்.

குடமிளகாய்-பட்டாணி உசிலி

தேவையானவை:

பட்டாணி - அரை கப், குடமிளகாய் - 1 (பொடியாக நறுக்கவும்), கடலைப்பருப்பு - ஒரு கப், காய்ந்த மிளகாய் - 4, சோம்பு - அரை டீஸ்பூன், கடுகு - கால் டீஸ்பூன், எலுமிச்சைச் சாறு - ஒரு டேபிள்ஸ்பூன், எண்ணெய் - 5 டேபிள்ஸ்பூன், உப்பு - தேவையான அளவு.

30 வகை உசிலி - பொடிமாஸ் ரெசிபி Aval106

செய்முறை:

பட்டாணியில் உப்பு சேர்த்து, சிறிது தண்ணீர் விட்டு வேக வைக்கவும். பருப்பை அரை மணி நேரம் ஊற வைத்து... காய்ந்த மிளகாய், சோம்பு, சிறிது உப்பு போட்டு கரகரப்பாக அரைக்கவும். இரண்டு டேபிள்ஸ்பூன் எண்ணெயில் குடமிளகாயை வதக்கி வைக்கவும். கடாயில் மூன்று டேபிள்ஸ்பூன் எண்ணெய் விட்டு, காய்ந்ததும் கடுகு தாளித்து, அரைத்து வைத்திருக்கும் பருப்புக் கலவையைச் சேர்த்துக் கிளறவும். பருப்பு வெந்து பொல பொலவென்று ஆகும் வரை கிளறி... வதக்கிய குடமிளகாய், பட்டாணி, எலுமிச்சைச் சாறு சேர்த்துக் கலந்து இறக்கவும்.

by **ஹம்னா** Wed 13 Jul 2011 - 19:53

வெந்தயக்கீரை-பட்டாணி பருப்பு உசிலி

30 வகை உசிலி - பொடிமாஸ் ரெசிபி Aval107

தேவையானவை:

வெந்தயக்கீரை, பச்சைப் பட்டாணி - தலா ஒரு கப், கடலைப்பருப்பு, துவரம்பருப்பு - தலா அரை கப், கடுகு, உளுத்தம்பருப்பு - தலா கால் டீஸ்பூன், காய்ந்த மிளகாய் - 7, வெங்காயம் - 3 (பொடியாக நறுக்கவும்), உப்பு, எண்ணெய் - தேவையான அளவு.

செய்முறை:

வெந்தயக்கீரையை சுத்தம் செய்து பொடியாக நறுக்கிக் கொள்ளவும். கடலைப்பருப்பு, துவரம்பருப்பு இரண்டையும் ஊற வைத்து... மிளகாய், உப்பு சேர்த்து ககரப்பாக அரைத்துக் கொள்ளவும். இதனுடன்... நறுக்கிய வெந்தயக்கீரை, பட்டாணி சேர்த்து சிறிது எண்ணெய் விட்டு வதக்கவும். இந்தக் கலவையை ஆவியில் வேக வைக்கவும். கடாயில் எண்ணெய் விட்டு... கடுகு, உளுத்தம்பருப்பு தாளித்து, பொடியாக நறுக்கிய வெங்காயத்தைப் போட்டு வதக்கி, கீரை - பருப்பு கலவையைப் போட்டு நன்றாகக் கிளறி இறக்கவும்.

by *சம்ஸ் Wed 13 Jul 2011 - 19:58

இதை நான் எப்படி செய்து கேட்பது எனது வீட்டில் அய்யோ..........நாவுறுது ...

by Sponsored content

30 வகை உசிலி - பொடிமாஸ் ரெசிபி

30 வகை உசிலி - பொடிமாஸ் ரெசிபி

Re: 30 வகை உசிலி - பொடிமாஸ் ரெசிபி

Re: 30 வகை உசிலி - பொடிமாஸ் ரெசிபி

Re: 30 வகை உசிலி - பொடிமாஸ் ரெசிபி

Re: 30 வகை உசிலி - பொடிமாஸ் ரெசிபி

Re: 30 வகை உசிலி - பொடிமாஸ் ரெசிபி