தங்கம்: ஒரே வாரத்தில் ரூ. 784 உயர்வு

ஆபரண தங்கத்தின் விலை கடந்த ஒரே வாரத்தில் பவுனுக்கு ரூ. 784 உயர்ந்துள்ளது.
தங்கத்தின் விலை கடந்த ஒரு வாரமாக உயர்ந்து வருகிறது. கடந்த வெள்ளிக்கிழமை ஒரு பவுன் ஆபரண தங்கம் ரூ.16,584-க்கு விற்பனையானது. சனிக்கிழமை பவுனுக்கு ரூ.184 உயர்ந்து ரூ.16,768-க்கு விற்பனையாது. திங்கள்கிழமை ரூ.72 உயர்ந்து பவுன் ரூ.16,840-க்கு விற்பனையாது. செவ்வாய்கிழமை பவுனுக்கு ரூ.104 உயர்ந்து ரூ.16,944-க்கு விற்பனையாது. இது புதன்கிழமை ரூ.224 உயர்ந்து ரூ.17,168-க்கு விற்பனையாது. இதன் மூலம் கடந்த ஒரு மாதத்துக்கு பிறகு தங்கத்தின் விலை மீண்டும் ரூ.17 ஆயிரத்தை தாண்டியது.

இந்த நிலையில் வியாழக்கிழமை மேலும் ரூ. 200 உயர்ந்து ஒரு பவுன் ஆபரண தங்கத்தின் விலை ரூ.17,368-ஆக உயர்ந்தது. இதன் மூலம் கடந்த வெள்ளிக்கிழமை முதலான ஒரு வாரத்தில் தங்கத்தின் விலை பவுனுக்கு ரூ.784 உயர்ந்துள்ளது.

இது குறித்து தங்கம், வெள்ளி வியாபாரிகள் சங்கத்தின் கெüரவச் செயலாளர் சுல்தான் கூறியது:
தங்கத்தின் விலை தொடர்ந்து உயர்ந்து வருவதற்கு இந்திய பங்குச் சந்தையின் தொடர் சரிவே காரணம். பல பிரபல நிறுவனங்களின் பங்குகள் தொடர்ந்து இறங்குமுகமாக இருப்பதால், அனைவரும் தங்கத்தில் முதலீடு செய்து வருகின்றனர்.

மேலும் உலக அளவில் தங்கத்தின் விலை எப்போதும் இல்லாத அளவுக்கு தொடர்ந்து உயர்ந்து வருகிறது. உலக நாடுகள் அமெரிக்க டாலர், கச்சா எண்ணெய், தங்கம் ஆகிய இந்த மூன்றில்தான் அதிக அளவு முதலீடு செய்து வருகின்றன.

அமெரிக்க டாலரின் மதிப்பு கடந்த 3 மாதங்களில் 5 சதவீதம் வரை வீழ்ச்சியடைந்துள்ளது. அதாவது ரூ. 46-ஆக இருந்த ஒரு டாலரின் மதிப்பு, இப்போது ரூ. 44.50-ஆக வீழ்ந்துள்ளது. இதேபோல் கச்சா எண்ணெய் விலையும் சற்று சரிந்துள்ளது. ஒரு பீப்பாய் கச்சா எண்ணெய் 100 டாலர் என விற்பனையானது. கடந்த ஒரு மாதமாக அது 90 டாலராக குறைந்துள்ளது.

அமெரிக்க டாலரின் மதிப்பு, கச்சா எண்ணெய் ஆகியவற்றின் சரிவைத் தொடர்ந்து உலக நாடுகள் தங்கத்தில் அதிக அளவு முதலீடு செய்யத் தொடங்கியுள்ளன. இந்த விலை உயர்வு வரும் வாரங்களிலும் தொடரும் என்றார் சுல்தான்.

தாலிக்கு தங்கம் திட்டத்துக்காக தமிழக அரசு தங்க நாணயத்தை மொத்தமாக கொள்முதல் செய்ய முடிவு செய்துள்ளது. இதனால் தங்கத்தின் தேவை அதிகரிக்கும். இதனால் தங்கத்தின் விலை எட்டாத உயரத்துக்கு செல்லும் என்ற அச்சம் மக்களிடையே ஏற்பட்டுள்ளது.
வியாழக்கிழமை விலை:
ஒரு பவுன்: ரூ. 17,368.
ஒரு கிராம்: ரூ. 2,171

ஒரே ஒரு ஐடியா தங்கத்திற்கு பதிலாக வேற எதயும் அணிய முடியாதா {)) {))