முஜிபுர் ரகுமான்

கி.பி. 1947 - ஆம் ஆண்டு இந்தியா சுதந்திரம் பெற்றபோது பாகிஸ்தானும் சுதந்திரம் பெற்றது. அப்போது கிழக்கு வங்காளம் பாகிஸ்தானுக்கு வழங்கப்பட்டது. இந்த கிழக்கு வங்காளத்தை பங்களாதேஷ் என்னும் சுதந்திர நாடாக உருவாக்கியவர் முஜிபுர் ரகுமான். இவர் வங்காளத்தின் துங்கிப்பரா என்னும் ஊரில் கி.பி. 1920 - ஆம் ஆண்டு மார்ச் 17 - ஆம் நாள் பிறந்தார். கல்கத்தாவிலிருந்த இஸ்லாமியக் கல்லூரியிலும், டாக்கா பல்கலைக் கழகத்திலும் கல்வி கற்றார்.

1949 - ஆம் ஆண்டு கிழக்கு வங்காளத்தை சுதந்திரமடையச் செய்யும் நோக்குடன் அவாமி லீக் (Awami League) என்னும் அரசியல் கட்சியைத் துவக்கினார். பாகிஸ்தானுக்கு எதிராக சதி செய்ததாக 1968 - 69 ஆம் ஆண்டுகளில் ரகுமான் சிறையிலடைக்கப்பட்டார். 1970 - ஆம் ஆண்டு நடைபெற்ற தேசிய சட்டமன்றப் பேரவை தேர்தலில் அவாமி லீக் கட்சி பெரும்பான்மை இடங்களை கைப்பற்றி வெற்றி பெற்றது.

இதன் விளைவாக அப்போதைய பாகிஸ்தான் குடியரசுத் தலைவராயிருந்த யாகியா கானுக்குக்கு, முஜிபுர் ரகுமானுக்கும் இடையே வங்காளம் தன்னாட்சி பெறுவது குறித்த பேச்சுவார்த்தை நடைபெற்றது. 1971 - இல் பேச்சுவார்த்தை தோல்வியில் முடிந்தது. எனவே உள்நாட்டு கலவரம் மூண்டது. மீண்டும் முஜிபுர் ரகுமான் சிறையிலடைக்கப்பட்டார். ஒரு கோடி பேர் கிழக்கு வங்காளத்திலிருந்து இந்தியாவிற்கு அகதிகளாக வந்தனர்.

அப்போது இந்தியாவின் பிரதமராயிருந்த இந்திராகாந்தி அதில் தலையிட்டார். இந்தியாவின் உதவியுடன் நடைபெற்ற போரில் வென்று பங்களாதேஷ் சுதந்திர நாடாக 1972 ஜனவரியில் உருவாகியது. முஜிபுர் ரகுமான் அந்நாட்டின் முதல் பிரதமர் ஆனார். பின் நாட்டில் நிலவிய மக்களாட்சி முறையை மாற்றிவிட்டு, மிகுதியான அதிகாரங்களுடன் குடியரசுத் தலைவராக பதவியேற்றார். 1975 - ஆம் ஆண்டு ஆகஸ்ட் மாதம் 15 - ஆம் நாள் டாக்காவில் நடந்த ராணுவப் புரட்சியில் ரகுமான் கொல்லப்பட்டார்.

முக்கிய பகிர்விற்க்கு நன்றி சாதிக்