முதலாம் இந்திரா

by **நேசமுடன் ஹாசிம்** Fri 15 Jul 2011 - 17:15

கர்நாடக மாநிலத்திலுள்ள மால்கெட் (Malkhed) பகுதியை ராஷ்டிரகூட மன்னர்களுள் முதலாம் இந்திரா ஒருவர். இவரது ஆட்சிக்காலம் கி.பி. 670 முதல் 690 வரை ஆகும். கல்வெட்டு ஆதாரங்களின் அடிப்படையில் இவர் ராஷ்டிரகூட மரபின் இரண்டாம் மன்னராக கருதப்படுகிறார். இவர் எலிச்பூரை (Ellichpur) தனது தலைநகரமாகக் கொண்டு ஆட்சி புரிந்தார்.

by **நேசமுடன் ஹாசிம்** Fri 15 Jul 2011 - 17:16

இந்தியாவில் கர்நாடகப் பகுதியில் ஆட்சிபுரிந்து வந்த ராஷ்டிரகூட மன்னர்கள் மரபில் வந்த மன்னர்களுள் ஒருவர் இரண்டாம் இந்திரா. இவர் ஆட்சிபுரிந்த காலம் கி.பி. 730 முதல் 752 வரை ஆகும். இவர் சாளுக்கிய இளவரசியான பவநாகா (Bhavanaga) என்னும் பேரழகியை மணந்ததாக சில பட்டயங்களும், மணமேடையில் அமர்ந்திருந்த இளவரசியைக் கவர்ந்து சென்றதாக சில பட்டயங்களும் தெரிவிக்கின்றன. இவருக்கு பின் இவர் மகன் தந்திதுர்க்கன் ராஷ்டிரகூட மன்னன் ஆனான்.

by **நேசமுடன் ஹாசிம்** Fri 15 Jul 2011 - 17:17

கர்நாடகத்தில் மால்கெட் ராஷ்டிரகூட வம்சத்தின் புகழ்பெற்ற மன்னர்களுள் ஒருவர் மூன்றாம் இந்திரா. இவர் கி.பி. 914 - ஆம் ஆண்டு தன் முப்பதாம் வயதில் பதவியேற்று கி.பி. 928 - ஆம் ஆண்டு வரை ஆட்சி செய்தார். இவர் பெரும் போரார்வம் மிக்கவராகத் திகழ்ந்தார்.

தன்னை எதிர்த்து வந்த பரமார உபேந்திர ராசா என்பவனை தோற்கடித்ததுடன் உஜ்ஜயினியையும் கைப்பற்றிக் கொண்டான். பின்னர் கி.பி. 916 - ல் வடஇந்தியா மீது படையெடுத்த இவர் கன்னோஜ் - ஐ கைப்பற்றினார். மூன்றாம் இந்திராவின் வடஇந்திய படையெடுப்பு வெறும் தாக்குதலைப் போன்றது. கன்னோஜை இவர் நீண்ட நாள் வைத்திருக்கவில்லை.

by **நேசமுடன் ஹாசிம்** Fri 15 Jul 2011 - 17:19

கர்நாடகத்தின் மால்கேட் ராஷ்டிரகூட அரசவம்சத்தின் கடைசி மன்னன் நான்காம் இந்திரா. கி.பி. 939 - ஆம் ஆண்டிலிருந்து ராஷ்டிரகூட வம்சத்தின் புகழ் மெல்ல மெல்ல சரிந்து வந்தது. இந்நிலையில் கி.பி. 972 முதல் 973 வரை ஆண்ட இரண்டாம் கர்க்கா கி.பி. 973 - ல் இரண்டாம் தைலபாவால் தோற்கடிக்கப்பட்டு நாட்டின் பெரும் பகுதிகளை இழந்தார். எனவே, நான்காம் இந்திரா தன் தாய்மாமனும் ராஷ்டிரகூட சிற்றரசனுமான கங்க வேந்தன் நொளம்பாந்தக மாறசிம்மனிடம் அடைக்கலம் புகுந்தான். அவர் நான்காம் இநதிராவை அரியணையேற்ற பெரும் முயற்சிகளை மேற்கொண்டு தோல்வி அடைந்தார்.

எனவே, கி.பி. 975 - இல் பங்கபுரா என்னுமிடத்தில் மாறசிம்மனும், கி.பி. 982 - ஆம் ஆண்டு மார்ச் 20 - ஆம் நாள் சரவணபெலகோலாவிற்கு அருகில் நான்காம் இந்திராவும் வடக்கிருந்து உயிர்துறந்தனர். இத்துடன் ராஷ்டிரகூட வம்சம் முடிவுக்கு வந்தது.

சில வரலாற்று அறிஞர்கள் இரண்டாம் கர்க்காவே இம்மரபின் கடைசி அரசன் என்பர்.

by **ஹம்னா** Fri 15 Jul 2011 - 19:53

by Sponsored content

முதலாம் இந்திரா

முதலாம் இந்திரா

இரண்டாம் இந்திரா

மூன்றாம் இந்திரா

நான்காம் இந்திரா

Re: முதலாம் இந்திரா

Re: முதலாம் இந்திரா