இதய நோயாளிகளின் நம்பிக்கை மூல உயிரணு

by *சம்ஸ் Fri 15 Jul 2011 - 19:08

சிகிச்சையளிக்க முடியாத மார்பு வலியினால் அவதிப்படுபவர்களுக்கு குறிப்பிடத்தக்க நிவாரணத்தை மூல உயிரணு சிகிச்சை வழங்கக்கூடும் என மருத்துவ விஞ்ஞானிகள் நம்பிக்கை வெளியிட்டுள்ளனர்.

மார்புவலியினால் அவதிப்படும் நோயாளர்களுக்கு அவர்களது இரத்தத்திலுள்ள மூல உயிரணுக்களை எடுத்து இதயத்திற்கு ஊசி மூலம் செலுத்தப்படுகிறது.

இந்த சிகிச்சை சிகாகோவின் வடமேற்குப் பல்கலைக்கழகத்தினால் முன்னெடுக்கப்படுகிறது.

ஆனால், ஐக்கிய இராச்சிய நிபுணர்கள் இந்த சிகிச்சை முறை இன்னும் ஆரம்பக் கட்டத்திலேயே உள்ளது, நீண்டகாலப் பலன் பற்றிய விடயங்கள் தெரியவில்லை என குறிப்பிட்டுள்ளனர்.

இந்த சிகிச்சையினால் நோயாளர்கள் இருவருக்கு இதயத் தசையில் சேதம் ஏற்பட்டிருப்பதாக சந்தேகிக்கப்படுகிறது.

167 நோயாளர்களில் நடத்தப்பட்ட தரமான சிகிச்சையில் எந்தப் பலனும் இல்லை என ஆய்வு சுற்றறிக்கை சஞ்சிகை ஒன்றில் குறிப்பிடப்பட்டுள்ளது.

அந்த நோயாளர்களுக்கு அதிகமான அல்லது குறைவான மூல உயிரணு உட்செலுத்தப்பட்டது.

குறைவான மூல உயிரணு செலுத்தப்பட்டவர்களுக்கு சில காலகட்டத்தில் வாரத்தில் 6.3 எபிசோட்கள் வீதமான வலி உணரப்பட்டது.

உடற்பயிற்சியை சகித்துக்கொள்ளும் நேர அளவு ஆறு மாத காலத்தில் 139 விநாடிகளால் அதிகரிப்படைந்ததோடு நோயற்ற குழுக்களில் இது 69 விநாடிகளால் அதிகரிப்பு செய்திருந்தது.

எனவே அதிகளவு மூல உயிரணுக்களை உட்செலுத்துவது குறிப்பிடத்தக்க பலனைக் கொடுக்கவில்லை.

எலும்பு மச்சை செல்கள்

CD 34+ என்று அழைக்கப்படும் எலும்பு மச்சை மூல உயிரணுக்கள் இந்த சிகிச்சையில் பாவிக்கப்பட்டு இரத்த ஓட்டத்துடன் கலக்கப்பட்டது.

முன்னர் இடம்பெற்ற ஆய்வுகள் இந்த செல்களால் புதிய இரத்தத்தட்டுக்களை நோயுற்ற இதயத் தசையில் உருவாக்க முடியும் என பரிந்துரைத்தன.

அதன் பின்னர் இந்த செல்கள் ஊசி மூலம் இதயத் தசைகளுக்குள் செலுத்தப்பட்டது. இந்த பொறிமுறையை பகுதி 3இல் இந்த ஆண்டின் பின் பகுதியில் அபிவிருத்தி செய்ய சிக்காக்கோ பல்கலைக்கழகக் குழு திட்டமிடுகிறது.

இந்த சிகிச்சை நீண்டகாலப் பலனை வழங்குமா என்பது குறித்து நிச்சயமற்ற நிலை நிலவுகிறது என British Heart Foundation இன் Associate Medical Director பேராசிரியர் ஜெரிமி பியர்சன் குறிப்பிட்டுள்ளார்.