ரஜினியின் படத்துக்கு விளம்பரம் தேவையில்லை : அமிதாப் ஜி

by **முனாஸ் சுலைமான்** Tue 19 Jul 2011 - 22:33

நடிகர் ரஜினிகாந்த் திரைப்படத்தை காமர்ஷியல் விளம்பரங்கள் மூலம் தான் பிரபல்யப்படுத்த வேண்டும் என்ற அவசியமில்லை

என பாலிவூட் சூப்பர்ஸ்டார் அமிதாப் பச்சன் கருத்து தெரிவித்துள்ளார்.

தனது சொந்த தயாரிப்பில் உருவாக்கியுள்ள ஹோகா தோரா பாப் எனும் திரைப்படத்தின் விளம்பரப்படுத்தல் பணியை முடித்து விட்டு, இது பற்றி தனது இணைய தளத்தில் எழுதியுள்ள கட்டுரையிலேயே இவ்வாறு தெரிவித்துள்ளார்.

திரைப்படங்களை உருவாக்குவது மாத்திரமல்லாது அதனை மக்களிடம் கொண்டு போய் சேர்ப்பது மிக மிக முக்கியம். இன்றைய படங்கள், வெளியான ஒரு வாரத்திற்குள், அதனை வெற்றிப்படமாக்க வேண்டுமா இல்லையா என ரசிகர்கள் தீர்மானித்து விடுகிறார்கள். 24 மணி நேரமும், திரைப்பட விற்பனை நிபுணர்கள் இது பற்றி சிந்தித்து உழைத்துக்கொண்டே இருக்கிறார்கள். வேகமான இந்த உலகில் அனைத்துமே வேகமாக நடைபெறவேண்டும். புதிய சிந்தனை இல்லாமல் வளர்ச்சியோ மாற்றமோ ஒரு போதும் ஏற்படுத்தப்படாது.

வர்த்தக ரீதியான வெற்றியே ஒரு படத்தின் அளவு கோலாக கருதப்படுகிறது. ஆனால் இந்த வரையறைக்குள் தென்னிந்திய சூப்பர் ஸ்டார் ரஜினிகாந்த் மட்டும் ஒரு போதும் வந்ததில்லை. அவருடைய படத்தை விளம்பரங்கள் மூலம் பிரபல்யப்படுத்த வேண்டிய அவசியமே இல்லை.

அவரே, அவருடைய படத்துக்கு ஒரு மிகப்பெரிய விளம்பரம். ஏன் திரைப்படத்தை விளம்பரப்படுத்தும் பணிக்கு நீங்கள் இவ்வளவு முக்கியத்துவம் கொடுக்கிறீர்கள் என என்னிடமே ஒரு முறை கேட்டார். அப்படி செய்வது உங்களை நீங்களே விற்பது போன்றது என கூறினார். உடனே நாங்கள் இருவரும் சிரித்தோம். பின்னர் அவரிடம், இது பற்றி விளக்கி கூறினேன் என தெரிவித்துள்ளார்.