இங்கிலாந்தின் பிரபல பொப் பாடகி மர்ம மரணம்: பொலிசார் தீவிர விசாரணை

இங்கிலாந்து பிரபல பொப் பாடகி எமி ஒயின்ஹவுஸ்(27). இவர் வடக்கு லண்டனில் உள்ள கேம்டன் சதுக்கத்தில் உள்ள தனது வீட்டில் தங்கியிருந்தார்.
இந்த நிலையில் அவர் வீட்டில் மர்மமான முறையில் இறந்து கிடப்பதாக நேற்று மாலை பொலிசாருக்கு தகவல் கிடைத்தது. பொலிசார் அங்கு விரைந்து சென்று அவரது பிணத்தை கைப்பற்றினார்கள்.

அவர் இறந்தது எப்படி என தெரியவில்லை. இதுகுறித்து பொலிசார் விசாரித்து வருகின்றனர். எமி ஒயின்ஹாசுக்கு போதை மருந்து மற்றும் மது அருந்தும் பழக்கம் இருந்தது. அதற்காக மறுவாழ்வு மையத்தில் தங்கி இருந்து சிகிச்சை பெற்றுள்ளார். இதுகுறித்தும் பொலிசார் தொடர்ந்து விசாரித்து வருகின்றனர்.

எமி ஒயின் ஹவுஸ் பேக்டூ பிளாக், ஹூஸ் பிளண்டு ஆப் ஜாஷ், சோல் உள்ளிட்ட பொப் இசை ஆல்பங்கள் மூலம் புகழ் பெற்றார்.

கடந்த 1983ம் ஆண்டு டாக்சி டிரைவரின் மகளாக பிறந்த அவர் வடக்கு லண்டனின் புறநகர் பகுதியில் வளர்ந்தார். 10 வயதாக இருக்கும் போதே தனது நண்பர்களுடன் சேர்ந்து பொப் இசை பயின்று புகழ் பெற்றார். இவரது பேக்டூ பிளாக் என்ற இசை ஆல்பம் கடந்த 2006-ம் ஆண்டு 5 கிரம்மி விருதுகளை பெற்றது.

சமீபத்தில் இஸ்தான்புல் மற்றும் ஏதென்ஸ் நகரங்களில் எமியின் நிகழ்ச்சிகளுக்கு ஏற்பாடு செய்யப்பட்டு இருந்தது. ஆனால் அவரது நடவடிக்கைகளால் பின்னர் அந்த நிகழ்ச்சிகள் ரத்து செய்யப்பட்டன. அடுத்து செர்பியா நிகழ்ச்சியில் இருந்தும் இவர் நீக்கப்பட்டார் என்பது குறிப்பிடத்தக்கது.

அங்கெல்லாம் இது சகஜம்
தகவலுக்கு நன்றி சாதிக்

{)) {))