வேதனை சொல்வேன் தோழி...

by **அப்துல்லாஹ்** Wed 27 Jul 2011 - 17:51

நிழல்தரா மரமுண்டோ தோழி விண்ணில்
நீரில்லா மேகமும்தா னுண்டோ சொல்
விதைமுளைக்கா வெட்டை வீதியாக்கி இறைவன்
விதியாலே சதிசெய்தான் பார்

மென்மலர் பிஞ்சுஒன்று மேன்மையாய் என்வயிற்றில்
வந்துயென்வாட்டம் போக்கி வளர்ந்துயென்செல்வம் காக்கும்
என்றுநான் எண்ணியெண்ணி ஏமாந்து நொந்தேன் தோழி
இன்றுநான் வாழ்வதேன் சொல்

மல்லிகைப் பந்தலிட்டேன் மலருக்குப் பஞ்சமின்றி
அல்லியும் ஆம்பலும் என் அகத்திடை அணிவகுக்க
மலர்க்கூட்டம் மங்கையென்னை மனம்சேர மகிழ்வித்தாலும்
மழலையில்லை என்மடியில் காண்

பிள்ளையில்லையென்றதொரு பெருந்துயர் தவிர்த்து என்னில்
கொள்ளைநோய் ஏதுமில்லை கொடியறுந்து வீழ்வதற்க்கு
வெள்ளையாய் உள்ளம் உண்டு வேதனை சிந்தச்சிந்த
கிள்ளை மொழியாளே பார்

குழலினும் இனிதுயென்பர் குழவியின் கன்னல்மொழி
கழல்தனில் கொலுசு பூட்டி களிக்கவே குதித்துஓடும்
அழல்வண்ணச்சிறுவாய் சிந்தும் புன்னகை காணாதின்று
விழலாச்சுதே என் வாழ்வு

by **Atchaya** Wed 27 Jul 2011 - 19:09

குழலினும் இனிதுயென்பர் குழவியின் கன்னல்மொழி
கழல்தனில் கொலுசு பூட்டி களிக்கவே குதித்துஓடும்

://:-: :”@:

by **நேசமுடன் ஹாசிம்** Wed 27 Jul 2011 - 19:16

மலர்க்கூட்டம் மங்கையென்னை மனம்சேர மகிழ்வித்தாலும்
மழலையில்லை என்மடியில் காண்

வேதனைகள் நிறைந்த வாழ்க்கையில் எதிர்நீச்சல் கொண்டு வென்றிடத்துணிகிறது மனங்கள்
தோழரின் அத்தனை வரிகளும் அருமை கருவுக்கு ஆறுதலாய் அமைந்திடட்டு்ம்
நீண்ட இடைவெளியில் தோழரின் அழகிய வரிகள் மனதுக்கு மகிழ்வை தந்தது தொடருங்கள் தோழரே

by **jasmin** Wed 27 Jul 2011 - 19:27

அருமையான கவிதை வாழ்த்துக்கள் கவிஞரே

by *சம்ஸ் Wed 27 Jul 2011 - 20:32

அனைத்து வரிகளும் அருமை
வலி நிறைந்த வரிகள் வாழ்த்த வார்த்தை இல்லை எனக்கு .

by **நண்பன்** Wed 27 Jul 2011 - 21:53

உங்கள் மனதில் என்ன கவிலையோ
ஏக்கம் நிறைந்த வரிகள் அனுபவித்து
எழுதியுள்ளீர்கள் ஆறுதலான வாழ்த்துக்கள்
தொடர்ந்து வாருங்கள் மனம் குளிர தாருங்கள்
என்றும் நன்றியுடன்
உங்கள் நண்பன்

by **அப்துல்லாஹ்** Wed 27 Jul 2011 - 22:28

அன்பின் நல் உறவுகாள்
அல்லாஹ்வின் அருட்கொடையால் சுகமே

அடைக்கலம் தந்த சேனை
அதனுடன் இணைந்தேன் நானும்
ஆசை தான் நானும்மோடு
அதிக நேரம் இணைய
ஆயினும் பணிச்சுமையால்
ஆயிற்று ஓர் பிரிவு

எனக்கென்ன பிணக்கு இங்கே
யாருடன் பினங்குவேன் நான்
கணக்கிட்டுப் பார்த்தால் என்னை
அரவணைத்த உறவே எல்லாம்...

என்னையும் மதித்து இங்கே
எனக்குமது கல்பிலே இடமும் தந்தீர்
அத்தகு நல்லோர் நீவிர்
காட்டும் நல் அன்பிற்கீடாய்
பொன்னையும் பொருளையும் வைத்துப்
பொருத்தினாலும் பொருந்தாதய்யா...

:flower: :flower: :flower:
அன்பன் அப்துல்லாஹ்

by **நண்பன்** Wed 27 Jul 2011 - 22:33

abdullah wrote:அன்பின் நல் உறவுகாள்
அல்லாஹ்வின் அருட்கொடையால் சுகமே

அடைக்கலம் தந்த சேனை
அதனுடன் இணைந்தேன் நானும்
ஆசை தான் நானும்மோடு
அதிக நேரம் இணைய
ஆயினும் பணிச்சுமையால்
ஆயிற்று ஓர் பிரிவு

எனக்கென்ன பிணக்கு இங்கே
யாருடன் பினங்குவேன் நான்
கணக்கிட்டுப் பார்த்தால் என்னை
அரவணைத்த உறவே எல்லாம்...

என்னையும் மதித்து இங்கே
எனக்குமது கல்பிலே இடமும் தந்தீர்
அத்தகு நல்லோர் நீவிர்
காட்டும் நல் அன்பிற்கீடாய்
பொன்னையும் பொருளையும் வைத்துப்
பொருத்தினாலும் பொருந்தாதய்யா...

:flower: :flower: :flower:
அன்பன் அப்துல்லாஹ்

மாஷா அல்லாஹ் மிகவும் சந்தோசம்
உங்கள் வேலைப்பழுக்கள் அனைத்தையும்
இறைவன் இலகுவாக்கித்தர வேண்டுகிறேன்
என்றும் உங்கள் வரவிலும் வரிகளிலும்
ஆனந்தம் அடைகிறேன் இணைந்திருப்போம்
நட்போடு பயணிப்போம்
என்றும் நன்றியுடன்
உங்கள் நண்பன்
#heart

by **kalainilaa** Wed 27 Jul 2011 - 23:18

கருவை தேடிய நிலையில்
ஒரு கருவானது கவிதைக்கு !

கருவுற இறைவன் துணை!
ஆறுதல் கூற நண்பர்கள் துணை!
கண்ணீர் துடைக்க கணவன் துணை!

தொடருங்கள் உறவே!உங்கள் கவிதையை காண,
சேனையில் உறவுண்டு !

by **முனாஸ் சுலைமான்** Wed 27 Jul 2011 - 23:20

பிள்ளையில்லையென்றதொரு பெருந்துயர் தவிர்த்து என்னில்
கொள்ளைநோய் ஏதுமில்லை கொடியறுந்து வீழ்வதற்க்கு
வெள்ளையாய் உள்ளம் உண்டு வேதனை சிந்தச்சிந்த
கிள்ளை மொழியாளே பார்

://:-: ://:-: :!@!: :!@!:
வாழ்த்துக்கள் தோழருக்கு

by Sponsored content

வேதனை சொல்வேன் தோழி...

வேதனை சொல்வேன் தோழி...

Re: வேதனை சொல்வேன் தோழி...

Re: வேதனை சொல்வேன் தோழி...

Re: வேதனை சொல்வேன் தோழி...

Re: வேதனை சொல்வேன் தோழி...

Re: வேதனை சொல்வேன் தோழி...

Re: வேதனை சொல்வேன் தோழி...

Re: வேதனை சொல்வேன் தோழி...

Re: வேதனை சொல்வேன் தோழி...

Re: வேதனை சொல்வேன் தோழி...

Re: வேதனை சொல்வேன் தோழி...