மட்டக்களப்பில் காட்டு யானையின் தாக்குதலுக்கு தம்பதி பலி

by **நண்பன்** Mon 27 Dec 2010 - 22:03

மட்டக்களப்பில் காட்டு யானையின் தாக்குதலுக்கு இலக்கான தம்பதியொன்று ஸ்தலத்திலேயே பலியாகியுள்ளனர்.
மட்டக்களப்பின் புனாணைப் பிரதேசத்தில் இச்சம்பவம் இன்று நடைபெற்றுள்ளது.

குடும்பத்தினர் அனைவரும் வயலில் காவலுக்கு இருந்த வேளை திடீரென காட்டு யானையின் தாக்குதலுக்கு இலக்காகியுள்ளனர். அதன் போது மகன், மருமகள் தப்பியோட வயதான தம்பதி மட்டும் யானையிடம் வசமாகச் சிக்கிக் கொண்டுள்ளனர்.

இறந்தவர்கள் பட்டியடி, கல்குடாவைச் சோ்ந்த செல்லையா முருகுப் பிள்ளை மற்றும் அவரது மனைவியான அரசம்மா ஆகியோர் என அடையாளம் காணப்பட்டுள்ளனர்.

மட்டக்களப்பு மாவட்டத்தில் பரவலாகப் பெய்து வரும் அடைமழை காரணமாக காட்டு யானைகளின் தாக்குதல் புணானை, வாகனேரி, ஓமடியாமடு, கிரிமிச்சை, தோணிதாண்டமடு, கட்டுமுறிவு போன்ற இடங்களில் அதிகரித்துக் காணப்படுவதாக எமது மட்டக்களப்பு செய்தியாளர் தெரிவிக்கின்றார்.