அமைச்சர் தொண்டமான், பொலிஸ் அதிகாரிகள் பேச்சையடுத்து டயகமவில் அமைதி

அமைச்சர் தொண்டமான், பொலிஸ் அதிகாரிகள் பேச்சையடுத்து டயகமவில் அமைதி
டயகமவில் முச்சக்கரவண்டி சாரதியொருவர் மீது பொலிஸாரால் நடத்தப்பட்ட தாக்குதல் சம்பவத்தை யடுத்து எழுந்த பதற்றமும், பரபரப்பும் நீக்கப்பட்டுள்ளன. இந்த தாக்குதல் சம்பவத்தால் மக்கள் கலவரத்தில் ஈடுபட முயன்றனர். இதனால் இருதரப்புகளுக் குமிடையே அமைச்சர் ஆறுமுகன் தொண்டமான் சமரசத்தை ஏற்படுத்தினார். இதனால் இப்பகுதியில் பதற்றம் நீங்கி நகரில் சுமுகநிலை நிழவுகிறது.

இத்தாக்குதல் சம்பவம் தொடர்பாக அமைச்சர் ஆறுமுகன் தொண்டமான் இப்பிரதேசத்திற்கு பொறுப்பாயுள்ள மாவட்ட பொலிஸ் அத்தியட்சகர் மற்றும் நுவரெலியா மாவட்ட உதவி பொலிஸ் மா அதிபர் உள்ளிட்ட அக்கரபத்தனை லிந்துலை பொலிஸ் அதிகாரிகளை உடன் வரவழைத்து அவசர கூட்டமொன்றை நடத்தினார். எனினும், பொலிஸாருக்கும் பொதுமக்க ளுக்கு மிடையில் இடம்பெற்ற மோதல் சம்பவத்திற்கு உடந்தையாகயிருந்தவர்களுக்கு கடுமையான சட்ட நடவடிக்கைகள் எடுக்க வேண்டுமெனவும் கோரிக்கை விடுக்கப்பட்டது.

வீதிகளில் வாகன விபத்துக்கள் ஏற்படுவது சாதாரண விடயமெனவும் பொலிஸ் தரப்பில் தெரிவிக்கப்பட்டது.

எவ்வாறாயினும், மக்களை பாதுகாக்க வேண்டியவர்கள் இத்தகைய இன குரோதத்தையும், மோதல்களையும் ஏற்படுத்திவிட்டு வேடிக்கை பார்க்கும் நிலையை இ. தொ. கா. ஒருபோதும் அனுமதிக்காது. மக்களுக்கு அசெளகரியங்கள், துன்பங்கள், இன்னல்களோ நிகழும் பட்சத்தில் அவற்றை கண்டு நாம் வெறுமனே பார்த்துக் கொண்டிருப்பதில்லை. மக்களை பாதுகாக்க வேண்டிய பொறுப்பு பொலிஸா ருடையதென அமைச்சர் தொண்டமான் எச்சரிக்கை விடுத்துள்ளார். இப்பிரதேச பாதுகாப்பை உறுதி செய்யு முகமாக பொலிஸாருக்கு பணிப்புரை வழங்கியதோடு நிலைமைகளை நன்கு அவதானிப்பதற்காக அமைச்சின் இணைப்பதிகாரிகளான பிலிப்குமார், சக்திவேல் ஆகியோரை அமைச்சர் தொண்டமான் நியமித்துள்ளார்.