GIS - தகவல் சேகரிப்பு

by **Atchaya** Sat 30 Jul 2011 - 5:40

I

LM(Land Mark) அல்லது POI - பல வழிகளில் சேகரிக்கலாம். மிக மிக மிகச் சுலபமான வழிகளில் கூகிளும், விக்கி யும் சேகரிக்கிறார்கள்.

ஒரு பெரிய பட்டாளமே உலகளாவி வேலை செய்கிறது. நீங்களும் நானும் கூட சம்பளமில்லாமல், வீக்கெண்ட் பார்ட்டி கேட்காமல், சொந்த நேரத்தையும், காசையும் செலவழித்து அவர்களுக்கு வேலை செய்திருக்கிறோம், செய்துகொண்டிருக்கிறோம். கூகிள் மேப்பில் சண்டை போட்டு ஊரையும் பெயரையும் குதூகலத்தோடு அடையாளப் படுத்துகிறோமே, அதேதான். அதன் பெயர் ஜியோகோடிங்.

அதாவது ஒரு Base Map* ஐ அடித்தளமாக வைத்துக்கொண்டு, அதன் மேல் தெரியும் வீட்டின் மேற்கூரையை அடையாளப் படுத்தி விட்டு ஆஹா பிரமாணம் வங்கியில் இருந்தாலும் வீடு கூகிளில் இருக்கிறதுதென்று காலரைத் தூக்கிவிட்டுக்கொண்டு வருகிறோமே, அந்தக் கணம் நாம் செய்யும் காரியங்களாவன, வீட்டிற்கான கோஆர்டினேட்டை அந்த பேஸ்மாப்பில் அடையாளப்படுத்துகிறோம். (GeoCoding). அவர்களின் விபரத்தொகுப்பில் (Data base) - ஒரு POI கூடுகிறது.

இப்படி நாள்தோறும், தேசம் தோறும் அக்கறையோடு கண்ணும் கருத்துமாக நாமெல்லாம் ...ம்ஹூம். நோகாமல் நொங்கெடுத்து பலித்தீன் பையில், போட்டு விற்கிறார்கள். போகட்டும்.
இது பொது வகையான (General Features) POI க்களைச் சேகரிக்கும் வழி. துறை சார்ந்த விபரங்களுக்கு இது போதாது, துறை சார்ந்த விபரங்கள் என்றால்...

உதாரணமாக, ஆரல்வாய்மொழி-காவல் கிணறு பகுதியில் – சில அரசியல் கட்சிகளைப்போல – ஓயாமல் சுற்றிக்கோண்டிருக்கும் ஆயிரக்கணக்கான காற்றாலைகளை ஒரு ஜிஐஸ் விபரத்தொகுப்பில் அமைக்க வேண்டும் என்று வைத்துக்கொள்வோம். ஏன் அமைக்கவேண்டும் என்று கீழே சொல்கிறேன். GIS - தகவல் சேகரிப்பு POI Offi

அதை நம்மைப் போல யாரும் கூகிளிலோ அல்லது விக்கியிலோ வேலை மெனெக்கெட்டு செய்யமாட்டார்களல்லவா..? அதனால் தேவையான கம்பெனிகள் இந்த வித்தையைக் கற்றவர்களை வேலைக்கமர்த்தி சேகரிப்பார்கள். இந்த ஆப்பீசர்கள் ஒரு கையடக்க GPS (Hand held GPS Device ) கருவியுடன் ஒவ்வொரு காற்றாலையின் அடிவாரத்தில் போய் நின்றால், ஏற்கெனவே தயாராக்கப்பட்ட பேஸ் மேப்புகள் உள்ள இந்தக் கருவிகள் இந்தக் காற்றாலையின் இருப்பிடத்தைத் துல்லியமாகக் காட்டும். அடையாளப் படுத்தவேண்டியது தான்.

அந்தப்புள்ளியில் அந்தக் காற்றாலையின் சகல விபரங்களையும் (சைஸ், உயரம், நிறை, எப்பொழுது யாரால் பழுது பார்க்கப்பட்டது / நீக்கப் பட்டது, இனி எப்போது பார்க்கவேண்டும், யார் உத்தரவாதி....இத்யாதி.....). அப்புறம் ஆப்பீசுக்கு வந்து இந்தக் கருவியை கம்பியூட்டரில் பொருத்தி... விபரங்களை கம்பியூட்டருக்கு மாற்றி... ஒரு முழு டேட்டாபேஸ் கிடைக்கும். இந்த டேட்டாபேஸ் எண்ணற்ற வழிகளில் (site Navigation, Location based asset management, inventory , Maintenance. ) அந்தக் கம்பெனிக்குப் பயன்படும்.

அடுத்த முறை காற்றாலை நம்பர் நானூற்றிப் பத்தின் சிறகில் பிரச்சினை என்றால், GPS பொருத்தப்பட்ட உங்கள் வண்டியில் ஏறி அமர்ந்தால் தானாகவே ஜிபிஸ் வழிகாட்டும். இப்படி தகவல் சேகரித்து விற்கும் Gis கம்பெனிகள் பல சக்கைப் போடு போடுகின்றன.