மாணவர்களுக்கான இலவச அனுமதியை நடைமுறைப்படுத்த முடியாது - கெமுணு

மாணவர்களுக்கான இலவச அனுமதியை
நடைமுறைப்படுத்த முடியாது - கெமுணு




கே. அசோக்குமார்

க.பொ.த. உயர்தர பரீட்சைக்குச் செல்லும் மாணவர்களை இலவசமாக ஏற்றிச் செல்லும்
நடவடிக்கை நடைமுறைப்படுத்த முடியாது. பெற்றோர் தமது பிள்ளைகளை வழமைபோன்றே அனுப்ப
நடவடிக்கை எடுக்குமாறு தனியார் போக்குவரத்து பஸ் உரிமையாளர்கள் சங்கத்தின் தலைவர்
கெமுனு விஜயரட்ண தெரிவித்தார்.
தனியார் பஸ் வண்டிகளில் ஓகஸ்ட் 03ஆம் திகதி முதல் செப்டம்பர் 7ஆம் திகதிவரையிலான
காலப் பகுதியில் இலவசமாக ஏற்றிச் செல்வது என்ற திட்டம் நடைமுறைச்சாத்தியமற்றது.
இவ்வாறான ஒரு திட்டத்தை அறிமுகப்படுத்துவதாகக் கூறி பரீட்சை எழுதச் செல்லும்
மாணவர்களின் மனோ நிலையை பாதிக்கச் செய்ய வேண்டாம் எனவும் கெமுனு விஜயரட்ண
தெரிவித்தார்.

நாடு முழுவதும் சுமார் 3 இலட்சம் மாணவர்கள் பரீட்சைக்குத்
தோற்றுகின்றனர்.இதனால் ஏற்படும் நஷ்டத்தை தனியார் பஸ் வண்டிகளுக்கு யார்
வழங்குவார்கள்? சமூக நலனில் எமக்கும் அக்கறை இருக் கிறது. ஒரு சிலர் மட்டும்
இத்திட்டத்துக்கு விருப்பம் என்று சொல்வதும் வேடிக்கையாக இருக்கிறது.
னினும், குறைந்த வருமானம் பெறும் குடும்பத்திலுள்ள மாணவர்கள் இப் பரீட்சைக்கு
தோற்றுவார்களாயின் அவர்கள் கிராமசேவகரின் பாடசாலை அதிபரின் சான்றுபடுத்தலோடு
எம்மிடம் வந்தால் அவர்களுக்கு இலவசமாக பய ணம் செய்யக் கூடிய விதத்தில் விசேட டோக்கன்
(பாஸ்) ஒன்றை வழங்கலாம் என்ற ஒரு திட்டமும் எம்மிடம் உள்ளது.
எனினும் அனைவரையுமே இலவசமாக அழைத்து செல்ல வேண்டும் என்பதை ஏற்றுக்கொள்ள முடியாது
என்றும் கெமுனு விஜயரட்ண தெரிவித்தார்.