யோசனையை முன்வைத்தவரே எதிர்ப்பது வேடிக்கை

யோசனையை முன்வைத்தவரே
எதிர்ப்பது வேடிக்கை




கே. அசோக்குமார்

உயர்தர பரீட்சைக்குத் தோற்றும் மாணவர்களை இலவசமாக பஸ்களில் ஏற்றிச் செல்ல வேண்டும்
என்ற ஆலோசனையை முன்வைத்தவரே இன்று அதனை எதிர்ப்பது வேடிக்கையாக இருக்கிறது என மேல்
மாகாண பயணிகள் போக்குவரத்து அதிகார சபையின் தலைவர் பியசேன அதிகாரி தெரிவித்தார்.
பஸ் சாரதிகளையும், பஸ் நடத்துநர்களும் மோசமானவர்களாக காட்ட முற்படுகிறார். அவர்களும்
மனிதாபிமானம் உள்ளவர்கள். சகல தனியார் பஸ் உரிமையாளர்களும், நடத்துனர்களும்
சாரதிகளும் மாணவர்களுக்காக இப்புனிதமான சேவையை செய்ய முன்வர வேண்டும் என்றும் அவர்
வேண்டுகோள் விடுத்தார்.
தனியார் பஸ் உரிமையாளர்கள் சங்கம் தற்போது நுகேகொடை பகுதியில் டியூசன் செல்லும்
மாணவர்களுக்காக இலவசமாக சேவை செய்ய முடியுமானால் ஏன் உயர்தரம் கற்கும் அப்பாவி
மாணவர்களுக்கு மட்டும் இலவசமாக சேவையை செய்ய முன்வரக் கூடாது? என்றும் கேள்வி
எழுப்பினார். தயவு செய்து சகல தனியார் பஸ் நடத் துநர்களும், சாரதிகளும் இதற்கு
ஒத்துழைப்பு வழங்குங்கள், மனிதாபிமான அடிப்படையில் இதனை செய்ய முன்வாருங்கள் என்றும்
அவர் கேட்டுக் கொண்டார்.
சகல மாவட்டங்களிலுமுள்ள தனியார் பஸ் உரிமையாளர்கள், நடத்துநர்களும், சரதிகளும்
இணக்கம் தெரிவித்துள்ளனர் என்றும் அவர் தெரிவித்தார்.