எனக்கு ஞாபக மறதி நோய் இல்லை கல்மாடி சொல்கிறார்

எனக்கு ஞாபக மறதி நோய் இல்லை
கல்மாடி சொல்கிறார்




‘எனக்கு ஞாபக மறதி நோய் இல்லை. நான் நன்றாக இருக்கிறேன்’ என்று கல்மாடி கூறினார்.
டில்லியில் நடைபெற்ற கொமன்வெல்த் விளையாட்டு போட்டி ஏற்பாடுகளில் பல கோடிக்கு ஊழல்
நடந்ததாக புகார் கூறப்பட்டது. இதைத் தொடர்ந்து போட்டி ஒருங்கிணைப்பு கமிட்டி தலைவர்
சுரேஷ் கல்மாடி மற்றும் அதன் நிர்வாகிகளில் பலர் கைது செய்யப்பட்டு திகார் சிறையில்
அடைக்கப்பட்டு இருக்கிறார்கள். அவர்கள் மீது சி. பி. ஐ. வழக்கு பதிவு செய்து விசாரணை
நடத்தி வருகிறது.

இந்த நிலையில் நிறையில் இருக்கும் 67 வயதான கல்மாடிக்கு உடல்
நலக்குறைவு ஏற்பட்டது. இதற்காக அவரது தலைப் பகுதியில், கடந்த ஜுலை 19 ஆம் திகதி லோக்
நாராயண் ஜெய்பிரகாஷ் ஆஸ்பத்திரியில் ஸ்கேன் எடுத்து பார்க்கப்பட்டது. அப்போது அவரது
மூளையின் இடது பக்கம் சற்று பாதிக்கப்பட்டு இருப்பதகாவும், இது ஞாபக மறதி நோயை
ஏற்படுத்தும் என்றும் தகவல்கள் வெளியானது.
திகார் சிறையில் இருந்து கல்மாடி நேற்று டெல்லியில் உள்ள அகில இந்திய விஞ்ஞான
மருத்துவ ஆராய்ச்சி கழக ஆஸ்பத்திரிக்கு வேனில் கொண்டு செல்லப்பட்டார். அங்கு
அவருக்கு நரம்பியல் துறை டாக்டர்கள் பல்வேறு பரிசோதனைகளை நடத்தினார்கள்.
4 மணி நேரம் அவர் ஆஸ்பத்திரியில் இருந்தார். அப்போது அவரை சில நிருபர்கள் சந்தித்து
அவரது உடல் நிலை எப்படி உள்ளது? என்று கேட்டனர். இதற்கு பதில் அளித்து கல்மாடி
கூறியதாவது :-
நான் மிகவும் நன்றாக இருக்கிறேன். எனக்கு ஞாபக மறதி நோய் இருப்பதாக கூறுவது சரியல்ல.
எனக்கு நல்ல நினைவு இருக்கிறது. மூளை நன்றாக வேலை செய்கிறது.
5 ஆண்டுகளுக்கு முன் எனக்கு இருதயத்தில் பழுதாகி இருந்த ஒரு வால்வு ஆபரேஷன் மூலம்
சரி செய்யப்பட்டது. அதன் பின் பல இருதய பரிசோதனைகளை டாக்டர்கள் எனக்கு அளித்து
வருகிறார்கள். மற்றபடி நான் நன்றாக இருக்கிறேன்.
என் உடல்நிலை பற்றி ஜெயிலுக்கு வெளியே பரவி இருக்கும் தகவல்கள் உண்மை அல்ல. எனது
உடலில் உள்ள கோளாறுகளுக்காக சில பரிசோதனைகளை செய்து கொள்ளவே ஆஸ்பத்திரிக்கு வந்து
இருக்கிறேன். இவ்வாறு கல்மாடி கூறினார்.