2011ம் ஆண்டு உலகக்கிண்ண போட்டியில் சிறப்பான சாதனைகளை நிகழ்த்தமுடியும்

by **இன்பத் அஹ்மத்** Tue 28 Dec 2010 - 12:38

அடுத்தவருடம் இடம்பெறவுள்ள உலகக்கிண்ண போட்டிகளின் போது சிறப்பான சாதனைகளை நிகழ்த்த முடியும் என இலங்கை அணித்தலைவர் குமார் சங்ககார நம்பிக்கை தெரிவித்தார்

கடந்த சனிக்கிழமை கொழும்பில் இடம்பெற்ற நிகழ்ச்சியொன்றில் கேசரி ஸ்போர்ட்ஸ் சார்பாக எழுப்பப்பட்ட கேள்வியொன்றுக்கு பதிலளித்த போதே அவர் இவ்வாறு கருத்துவெளியிட்டார்

உலகக்கிண்ண போட்டிகளுக்கான தயார்படுத்தல்கள் எவ்வாறு காணப்படுகின்றன என கேசரி ஸ்போர்ட்ஸ் எழுப்பிய கேள்விக்கு பதிலளித்த சங்ககார

நாம் மிகவும் நல்ல முறையில் தயாராகிவருகின்றோம் .இன்னமும் ஒருவாரகாலப்பகுதியில் அவுஸ்திரேலியாவிற்கு பயணமாகவுள்ளோம் அந்தவகையில்.சிறிய அடிகளை சரியாக எடுத்துவைப்பதன் மூலமாக பெரிதாக சாதிப்பதற்கு ஒரு வழிமுறையை பின்பற்றவேண்டியுள்ளது எமது அவதானம் அர்ப்பணிப்பு தக்கவைத்துக்கொண்டு பயிற்சிகளில் ஈடுபடுவதன் மூலமாக இம்முறை எம்மால் சிறப்பானசாதனையை நிகழ்த்தக்கூடுமாக இருக்கும் என நம்புகின்றேன் '

உலகக்கிண்ண போட்டிகளுக்கு முன்பாக தாயகத்திற்கு வெளியே இலங்கை அணி மேற்கொள்ளும் முக்கிய கிரிக்கட் சுற்றுப்பயணமாக அவுஸ்திரேலிய சுற்றுப்பயணம் அமைந்துள்ளது இந்த சுற்றுப்பயணத்தின்போது மூன்று பயிற்சிப்போட்டிகள் அடங்கலாக ஒரு டுவன்டி டுவன்டி சர்வதேசப் போட்டியிலும் முன்று ஒருநாள் சர்வதேச போட்டிகளிலும் இலங்கை அணி விளையாடவுள்ளது

by **இன்பத் அஹ்மத்** Tue 28 Dec 2010 - 12:41

இந்த சுற்றுப்பயணத்தின் அட்டவணை பின்வருமாறு

பயிற்சி ஆட்டங்கள்

குயின்ஸ்லாந்து எதிர் இலங்கை (பிறிஸ்பேன்)- ஒக்டோபர் 22
நியுசவுத் வேல்ஸ் எதிர் இலங்கை (சிட்னி) – ஒக்டோபர் 24
நியுசவுத் வேல்ஸ் எதிர் இலங்கை (சிட்னி) –ஒக்டோபர் 26

சர்வதேச போட்டிகள்

டுவன்டி டுவன்டி சர்வதேச போட்டி
அவுஸ்திரேலியா எதிர் இலங்கை (பேர்த்)-ஒக்டோபர் 31

ஒருநாள் சர்வதேச போட்டிகள்

அவுஸ்திரேலியா எதிர் இலங்கை (மெல்பேர்ண்)-நவம்பர் 3
அவுஸ்திரேலியா எதிர் இலங்கை (சிட்னி) –நவம்பர் 5
அவுஸ்திரேலியா எதிர் இலங்கை ( பிறிஸ்பேன்)- நவம்பர் 7

by **இன்பத் அஹ்மத்** Tue 28 Dec 2010 - 12:42

இந்தப்போட்டிகள் அனைத்துமே பகலிரவுப்போட்டிகளாகவே நடைபெறவுள்ளன .

1996ம் ஆண்டு உலகக்கிண்ண போட்டிகளுக்கு முன்பாக அவுஸ்திரேலிய சுற்றுப்பயணத்தில் முக்கோணத்தொடர் போட்டிகளில் சம்பியன் ஆகியமையே இலங்கை அணிக்கு உலகக்கிண்ண சம்பியன்களாவதற்கு மிகவும் அவசியமாக தேவைப்பட்ட உந்துசக்தியையும் நம்பிக்கையையும் கொடுத்ததாக இலங்கை அணிவீரர்கள் பலர் கூறியதை கடந்தகாலத்தில் கேள்விப்பட்டிருக்கின்றோம்
அந்தவகையில் இம்முறை அவுஸ்திரேலிய சுற்றுப்பயணம் மிகவும் முக்கியமானதாக கருதப்படுகின்றது .இதில் சிறப்பாக ஆற்றல்களை வெளிப்படுத்துவது அணியின் நம்பிக்கைக்கு வலுச்சேர்க்கும் என குமார் சங்ககார தெரிவித்திருந்தார்

10வது ஒருநாள் சர்வதேச உலகக்கிண்ண போட்டிகள் அடுத்தாண்டு பெப்ரவரி 19ம்திகதி முதல் ஏப்ரல் இரண்டாம் திகதிவரை இந்தியா இலங்கை மற்றும் பங்களாதேஷ் ஆகிய நாடுகளில் கூட்டாக இடம்பெறவுள்ளமை குறிப்பிடத்தக்கது

by Sponsored content

2011ம் ஆண்டு உலகக்கிண்ண போட்டியில் சிறப்பான சாதனைகளை நிகழ்த்தமுடியும்

2011ம் ஆண்டு உலகக்கிண்ண போட்டியில் சிறப்பான சாதனைகளை நிகழ்த்தமுடியும்

Re: 2011ம் ஆண்டு உலகக்கிண்ண போட்டியில் சிறப்பான சாதனைகளை நிகழ்த்தமுடியும்

Re: 2011ம் ஆண்டு உலகக்கிண்ண போட்டியில் சிறப்பான சாதனைகளை நிகழ்த்தமுடியும்

Re: 2011ம் ஆண்டு உலகக்கிண்ண போட்டியில் சிறப்பான சாதனைகளை நிகழ்த்தமுடியும்