இலங்கை அணியில் மலிங்க நீக்கம் மெத்திவ்ஸ் உப தலைவர்

அவுஸ்திரேலியாவுடனான போட்டி ;
இலங்கை அணியில் மலிங்க
நீக்கம் மெத்திவ்ஸ் உப தலைவர்
அவுஸ்திரேலிய கிரிக்கெட் அணி இலங்கையில் சுற்றுப்பயணம் மேற்கொண்டு இரண்டு 20 ஓவர் போட்டி, 5 ஒருநாள் போட்டி மற்றும் 3 டெஸ்டில் விளை யாடுகிறது. அவுஸ்திரேலியா- இலங்கை அணிகள் இடையிலான முதலாவது 20 ஓவர் போட்டி ஓகஸ்ட் 6ம் திகதி நடக்கிறது. 20 ஓவர் போட்டித் தொடருக்கான இலங்கை அணியில் முன்னணி வேகப்பந்து வீச்சாளர் மலிங்க காயம் காரணமாக சேர்க்கப்படவில்லை.

இதே போல் கண்டம்பி கழற்றி விடப்பட்டுள்ளதால் துணை தலைவர் பொறுப்பு மெத்யூஸ் வசம் ஒப்படைக்கப்பட்டுள்ளது. புதுமுகமாக சகலதுரை வீரர் ஷமிந்த எரங்க வாய்ப்பு பெற்றுள்ளார்.

அவுஸ்திரேலியாவுக்கு எதிரான 20 ஓவர் போட்டிக்கான இலங்கை அணி வருமாறு: டில்ஷான் (தலைவர்), சங்கக்கார, மஹேல ஜயவர்தன, சந்திமால், மெத்யூஸ், ஜீவன் மென்டிஸ், தில்ருவன் பெரேரா, திசரா பெரேரா, தம்மிக பிரசாத், சுரங்க லக்மல், அஜந்த மென்டிஸ், குலசேகர, ரந்தீவ், ஹெரத், சாமர சில்வா, ஷமிந்த எராங்க.

{))