காய்கறி விலைகள் வீழ்ச்சி

காய்கறி விலைகள் வீழ்ச்சி
யாழ். மாவட்டத்திலிருந்து தினமும் 5 இலட்சம் கிலோ தம்புள்ள வருகை
நிரூஷி விமலவீர
பண்டிகைக் காலங்களுடன் ஒப்பிடுகையில் தற்போது மரக்கறி வகைகளின் விலை 90% வீதத்தால் குறைவடைந்துள்ளதாக தம்புள்ளை பொருளாதார நிலையத்தின் அபிவிருத்தி உத்தியோகத்தர் சமந்த சூரியகொட தெரிவித்தார். யாழ்ப்பாணம் மாவட்டத்திலிருந்து நாளாந்தம் சுமார் 5 இலட்சம் கிலோ மரக்கறி வகைகள் தம்புள்ளையை வந்தடைவதாகவும், மேலும் தெற்கிலே மரக்கறி வகைகளின் அறுவடை அதிகரித்துள்ளதாகவும் சுட்டிக்காட்டிய சமந்த சூரியகொட அதன் காரணமாக மரக்கறி வகைகளின் விலையில் வீழ்ச்சி ஏற்பட்டுள்ளதாகத் தெரிவித்தார்.

நாளாந்தம் மரக்கறி வகைகளின் விலை குறைவடைந்து வரும் நிலையில் விவசாயிகள் தமது அறுவடையை சந்தைப்படுத்த முடியாத நிலை ஏற்பட்டுள்ளதாகவும் அவர் சுட்டிக்காட்டினார்.

போஞ்சி தவிர்ந்த ஏனைய மரக்கறி வகைகளின் விலை 90 வீதத்தால் குறை வடைந்து உள்ளதாகவும், போஞ்சியின் விலை 30 வீதத்தால் குறைவடைந்து உள்ள தாகவும் சமந்த சூரியகொட கூறினார்.

தம்புள்ள சந்தையில், கத்தரிக்காய் ஒரு கிலோ 10.00 ரூபாவிற்கு ராபு ஒரு கிலோ 8.00 ரூபாவிற்கும் கோவா ஒரு கிலோ 10.00 ரூபாவிற்கும், வெள்ளரிக்காய் 8.00 ரூபாவிற்கும், சின்ன வெங்காயம் 50.00 ரூபாவிற்கும், பச்சை மிளகாய் 40.00 ரூபாவிற்கும், தக்காளி ஒரு கிலோ 10 - 15 இடையிலும், பீட்ரூட் 18.00 ரூபாவிற்கும் லீக்ஸ் ஒரு கிலோ 20.00 ரூபாவிற்கும் நேற்று விற்பனை செய்யப் பட்டதாக அவர் மேலும் கூறினார்.