பட்டானி ராசிக் கொலைக்கும் எனக்கும் தொடர்பே இல்லை

by **நண்பன்** Tue 2 Aug 2011 - 4:08

பட்டானி ராசிக் கொலைக்கும் எனக்கும் தொடர்பே இல்லை
நிரூபித்தால் அரசியலிலிருந்து ஒதுங்குவேன்
எம். எஸ். பாஹிம்
பட்டானி ராசிக் கடத்திக் கொலை செய்யப்பட்டதற்கும் எனக்கும் எந்தவித தொடர்பும் கிடையாது. இந்த சம்பவத்துடன் எனக்கு தொடர்பு இருப்பதாக நிரூபித்தால் அமைச்சுப் பதவியை இராஜினாமாச் செய்து, அரசியலை விட்டும் விலகுவதாக கைத்தொழில் மற்றும் வணிக அமைச்சர் ரிசாத் பதியுதீன் தெரிவித்தார். கைத்தொழில் மற்றும் வணிக அமைச்சில் நேற்று நடைபெற்ற விசேட ஊடகவியலாளர் மாநாட்டிலேயே அமைச்சர் மேற்கண்டவாறு கூறினார்.

வடக்கில் இருந்து வெளியேற்றப்பட்ட ஆயிரக்கணக்கான முஸ்லிம்களை அரவணைத்து உதவி செய்த புத்தளம் மக்களுக்கு ஒருபோதும் துரோகமிழைக்கவோ அநியாயம் செய்யவோ நினைத்ததில்லை எனவும் அவர் குறிப்பிட்டார்.

இது தொடர்பாக மேலும் கருத்துத் தெரிவித்த அமைச்சர்,

அரச சார்பற்ற நிறுவனமொன்றில் பணியாற்றிய பட்டானி ராசிக் என்பவர் 2010 பெப்ரவரி மாதம் கடத்தப்பட்டார். இது தொடர்பாக அவரின் உறவினர்கள் எனக்கு அறிவித்த போது, உயர் பொலிஸ் அதிகாரிகளினூடாக இது குறித்து விசா ரணை நடத்த நடவடிக்கை எடுத்தேன். சில மாதங்களுக்கு முன் பாதுகாப்பு செய லாளருக்கும் பொலிஸ் மாஅதிபருக்கும் அறிவித்து விசாரணையை துரிதப்படுத்தி னேன். இதன்படி விசேட சி.ஐ.டி. குழுவொன்று நியமிக்கப்பட்டு கிளிநொச்சி யில் வைத்து கொலையுடன் தொடர்புடைய ஒருவர் கைதானார். அதன் பின் கடத்தலுக்கு பயன்படுத்தப்பட்ட தனியார் வாகனமொ ன்றும் மேலும் சிலரும் கைதானார்கள். இத்தக் கடத்தலுடன் தொடர்புடைய நெளசாத் மன்னாரில் இருந்து இடம்பெயர் ந்தவர். அவர் நான் மீள்குடியேற்ற அமைச்சராக இருந்த போது அதில் பணியாற்றியுள்ளார். அதற்காக என்னை இந்த கொலையுடன் தொடர்புபடுத்துவது முற்றிலும் தவறாகும். இந்தக் கொலையுடன் அமைச்சு வாகனம் எதுவும் தொடர்புபட்டிருக்கவில்லை என பொலிஸார் கூறியுள்ளனர். அமைச்சர்களுக்கும் தொடர்பிருப்பதாக பொலிஸார் கூறவில்லை. சில ஊடகங்கள்தான் இவ்வாறு பொய் குற்றச்சாட்டுகளை முன்வைக்கின்றன.

இந்த சம்பவம் தொடர்பாக பொலிஸார் பக்கசார்பின்றி ஒழுங்காக விசாரணை நடத்தி வருகின்றனர். கடத்தல்காரர்களை கைது செய்ய நடவடிக்கை எடுக்க பாதுகாப்பு அமைச்சின் செயலாளருக்கும் பொலிஸாருக் கும் நன்றி கூறுகிறேன். விசாரணைகள் தொடர்ந்து முன்னெடுக் கப்பட்டு இதனுடன் தொடர்புடைய சகலரும் தண்டிக்கப்பட வேண்டும் என்பதில் உறுதியாக உள்ளேன்.

வதந்திகளை நம்ப வேண்டாமென சகலரையும் கோருகிறேன். இந்த ஊடக மாநாட்டில் பாராளுமன்ற உறுப்பினர் ஹ¤னைஸ் பாருக்கும் கலந்துகொண்டார்.