இங்கிலாந்து அணி 372 ஓட்டங்கள் முன்னிலை

by **நண்பன்** Tue 2 Aug 2011 - 4:22

இங்கிலாந்து அணி 372 ஓட்டங்கள் முன்னிலை
நாட்டிங்காமில் நடந்து வரும் இந்தியாவுக்கு எதிரான 2வது டெஸ்ட் போட்டியில் இங்கிலாந்து அணி 2வது இன்னிங்சில் 6 விக்கெட்டுகளை இழந்து 441 ஓட்டங்களைக் குவித்துள்ளது. இந்தியாவை விட 374 ஓட்டங்கள் முன்னிலை பெற்றுள்ளது. இங்கிலாந்தின் பெல் அபாரமாக விளையாடி 159 ஓட்டங்கள் குவித்தார்.

முதலில் துடுப்பெடுத்தாடிய இங்கிலாந்து அணி முதல் இன்னிங்சில் 221 ஓட்டங்களுக்கு ஆட்டம் இழந்தது. இதைத் தொடர்ந்து விளையாடிய இந்தியா முதல் இன்னிங்சில் 288 ஓட்டங்களுக்கு அனைத்து விக்கெட்டுகளையும் இழந்தது.

ராவிட் மட்டும் ஒழுங்காக விளையாடி 117 ஓட்டங்களும் யுவராஜ் சிங் 62 ஓட்டங்களும் எடுத்தனர். சச்சின், டோனி ஆகியோரின் மட்டமான ஆட்டத்தால் இந்தியா அதிக ஓட்டங்கள் குவிக்க முடியவில்லை. இருந்தாலும் முதல் இன்னிங்சில் இந்திய அணி 67 ஓட்டங்கள் முன்னிலை பெற்றது.

62 ஓட்டங்கள் பினதங்கி இருந்த இங்கிலாந்து அணி தனது 2வது இன்னிங்ஸை தொடங்கியது. தொடக்க வீரர்கள் ஸ்ரோஸ் (16), குக் (5) ஆகியோர் சொற்ப ஓட்டங்களில் வெளியேறினர். 3வது விக்கெட்டுக்கு இணை சேர்ந்த பெல்-பீட்டர் இணை இந்திய பந்துவீச்சை நாலாபக்கமும் சிதறடித்தது. இந்த இணை 162 ஓட்டங்கள் குவித்தது. 63 ஓட்டங்கள் எடுத்திருந்த பீட்டர்சன் ஸ்ரீசாந்த் பந்தில் ஆட்டம் இழந்தார். பின்னர் வந்த மோர்கன்- பெல் இணை சேர்ந்து 104 ஓட்டங்கள் குவித்தது.

159 ஓட்டங்கள் எடுத்திருந்தபோது யுவராஜ் சிங் பந்தில் பெல் ஆட்டம் இழந்தார். இதைத் தொடர்ந்து 70 ஓட்டங்கள் குவித்து மோர்கன் வெளியேறினார். பின்னர் களம் இறங்கிய பிரையார் 64 ஓட்டங்களிலும் பிரெஸ்னன் 47 ஓட்டங்களிலும் களத்தில் இருந்தனர்.

3வது நாள் ஆட்ட நேர முடிவில் இங்கிலாந்து அணி 6 விக்கெட்டுகளை இழந்து 441 ஓட்டங்கள் குவித்துள்ளது. இது இந்தியாவை விட 374 ஓட்டங்கள் அதிகமாகும்.

இந்திய தரப்பில் பிரவீண்குமார், ஸ்ரீசாந்த் ஆகியோர் தலா 2 விக்கெட்டுகளை கைப்பற்றினர். இசாந்த், யுவராஜ் தலா 1 விக்கெட்டை கைப்பற்றினர்.

இந்த டெஸ்ட் போட்டியிலும் இங்கிலாந்து வெற்றிபெற அதிக வாய்ப்பு உள்ளது.