சிரியா நெருக்கடி குறித்து பாதுகாப்பு சபையில் ஆலோசனை

சிரியா நெருக்கடி குறித்து பாதுகாப்பு சபையில் ஆலோசனை
ஹமா நகரில் தொடர்ந்து கலவரம்
சிரியாவில் ஏற்பட்டுள்ள நெருக்கடி நிலை குறித்து ஐ. நா. பாதுகாப்பு சபையில் தொடர்ச்சியாக ஆலோசனை நடத்தப்பட்டு வருகிறது. இது குறித்து நேற்று முன்தினம் நடந்த பேச்சுவார்த்தையில் பாதுகாப்பு சபையில் உள்ள ஐரோப்பிய அங்கத்துவ நாடுகளான பிரிட்டன், பிரான்ஸ், ஜெர்மனி மற்றும் போர்த்துக்கல் ஆகியன சிரியா மீது கடும் நடவடிக்கை எடுக்க கோரிக்கை விடுத்தன.

தொடர்ச்சியாக பொதுமக்கள் மீது தாக்குதல் நடத்தும் சிரியா அரசுக்கு மற்றும் அந்நாட்டு ஜனாதிபதி பஷர் அல் அஸாதுக்கு எதிராக பாதுகாப்பு சபையில் கண்டன தீர்மான நிறைவேற்றப்பட வேண்டும் என ஐரோப்பிய நாடுகள் கோரின.

எனினும் சீனா, ரஷ்யா போன்ற நாடுகள் இந்த கோரிக்கைக்கு எவ்வாறு பதில் அளித்தன என்பது குறித்து செய்தி வெளியாகவில்லை. எனினும் இந்த நாடுகள், சிரியா மீது பாதுகாப்புச் சபையில் தீர்மானம் நிறைவேற்றுவது மத்திய கிழக்கில் மேலும் நெருக்கடி நிலையை அதிகரிக்கும் என ஏற்கனவே குறிப்பிட்டிருந்தமை குறிப்பிடத்தக்கது.

இதேவேளை, சிரியா நிலவரம் குறித்து உடனடி தீர்வு எட்டப்பட வேண்டும் என ஐ.நா. பாதுகாப்புச் சபையிடம் சர்வதேச மன்னிப்புச் சபை கோரிக்கை விடுத்துள்ளது. இந்த விவகாரம் குறித்து அமெரிக்காவும் தமது அதிருப்தியை வெளியிட்டுள்ளது.

கடந்த திங்கட்கிழமை ரமழான் பிரார்த்தனை முடிந்த தருணத்தில் சிரியா பாதுகாப்பு படையினர் ஹமா நகரில் குண்டுகளை வீசினார்கள்.

ஞாயிற்றுக்கிழமை முதல் சிரிய இராணுவத் தாக்குதலில் 130 பேர் இறந்து உள்ளனர் என மனித உரிமைக் குழுக்கள் குற்றம் சாட்டின.

ஜனாதிபதி பஷர் அல் அசாத்திற்கு எதிராக போராடும் நபர்களின் முக்கிய நகரமாக ஹமா உள்ளது. சிரிய தலைநகர் டமஸ்கசிலும் பஷருக்கு எதிரான போராட்டம் தீவிரமாகி உள்ளது.

ஹமா நகரின் வீதிகளில் நேற்று இராணுவ வீரர்கள் பீரங்கிகள் மற்றும் ஆயுதங்களுடன் வந்தனர். 10 வினாடிக்கு ஒருமுறை அங்கு குண்டு வீசப்பட்டது என அங்குள்ள குடியிருப்பாளர்கள் குறிப்பிட்டுள்ளனர்.

தொடர்ச்சியாக பொதுமக்கள் மீது தாக்குதல் நடத்தும் சிரியா அரசுக்கு மற்றும் அந்நாட்டு ஜனாதிபதி பஷர் அல் அஸாதுக்கு எதிராக பாதுகாப்பு சபையில் கண்டன தீர்மான நிறைவேற்றப்பட வேண்டும் என ஐரோப்பிய நாடுகள் கோரின.
இஸ்ரேலுக்கு ?சொல்லவில்லையே இந்த அமைப்புக்கள் .

ஞாயிற்றுக்கிழமை முதல் சிரிய இராணுவத் தாக்குதலில் 130 பேர் இறந்து உள்ளனர் என மனித உரிமைக் குழுக்கள் குற்றம் சாட்டின.

மனித உரிமைக் குழுக்கள் ஒன்று இருக்கா ?