அகதிகள் கப்பலில் 25 பேர் மூச்சுத் திணறி பலி

by **நண்பன்** Wed 3 Aug 2011 - 4:06

அகதிகள் கப்பலில் 25 பேர் மூச்சுத் திணறி பலி
இத்தாலி கடல் எல்லைக்குள் நுழைய முயன்ற அகதிகள் கப்பலில் பயணம் செய்த 25 அகதிகள் உயிரிழந்தனர்.

சிறிய ரக கப்பலில் வந்த அவர்கள், மூச்சுத் திணறலில் உயிரிழந்ததாக இத்தாலிய கடலோரக் காவல் படை அதிகாரிகள் தெரிவித்தனர். இத்தாலியின் தெற்குப் பகுதியில் உள்ள லாம்பிடுஸ் எனும் தீவிலிருந்து வந்த அகதிகள் படகில் 271 பேர் பயணம் செய்தனர். இந்த படகை கடலோரக் காவல்படையினர் இடைமறித்து சோதித்தபோது, அகதிகளில் 25 பேர் உயிரிழந்தது தெரியவந்தது.

அதிக எண்ணிக்கையில் பயணிகள் இருந்ததால் இவர்கள் மூச்சுத் திணறல் ஏற்பட்டு உயிரிழந்துள்ளனர். எஞ்சிய அகதிகள் அனைவ ரும் கடலோரக் காவல் படை கப்பலில் ஏற்றப்பட்டு உள்ளூர் பொலிஸாரிடம் ஒப்படைக்கப் பட்டனர். அகதிகளில் 36 பெண்களும் 21 குழந்தைகளும் அடங்குவர். ஆபிரிக்க நாடுகளான லிபியா மற்றும் அதைச் சுற்றியுள்ள நாடுகளிலிருந்து முறையான குடியேற்ற உரிமை இல்லாமல் கள்ளத் தனமாக குடியேறும் ஆபிரிக்கர்களின் எண்ணிக்கை தொடர்ந்து அதிகரித்து வருகிறது.