புதிய மருத்துவ காப்பீட்டு திட்டம்: 618 தனியார் மருத்துவமனைகளுடன் அரசு இன்று உடன்பாடு

சென்னை, ஆக. 3-


தமிழக
அரசு புதிய மருத்துவ காப்பீட்டு திட்டத்தை கொண்டு வந்துள்ளது.
இத்திட்டத்தின் கீழ் ஒருவர் வருடத்துக்கு ஒரு லட்சம் வீதம் 4 ஆண்டுக்கு
அதிகபட்சமாக இலவசமாக சிகிச்சை பெற முடியும். ஏழைகளுக்கு வழங்கப்படும் இந்த
இலவச புதிய மருத்துவ காப்பீட்டு திட்டத்தை செயல்படுத்த 618 தனியார்
மருத்துவமனைகளுடன் தமிழக சுகாதாரத்துறை உடன்பாடு செய்கிறது.

309
தனியார் சிறப்பு மருத்துவமனையின் உரிமையாளர்களுடன் இன்றும், 309 தனியார்
சிறப்பு மருத்துவமனை உரிமையாளர்களுடன் நாளையும் (வியாழக்கிழமை) உடன்பாடு
கையெழுத்தாகிறது.

சென்னை தேனாம்பேட்டையில் உள்ள
தமிழ்நாடு சுகாதாரத்துறை திட்ட இயக்குனர் அலுவலகத்தில் இந்த ஒப்பந்தம்
நடக்கிறது. சென்னை, காஞ்சீபுரம், திருவள்ளூர், வேலூர், கடலூர், புதுச்சேரி,
விழுப்புரம், திருவண்ணாமலை, சேலம், கோவை, ஈரோடு, கிருஷ்ணகிரி, தர்மபுரி,
திருப்பூர், பெங்களூர் ஆகிய இடங்களில் உள்ள தனியார் மருத்துவமனை
உரிமையாளர்களுடன் இன்று கையெழுத்தாகிறது.

மதுரை,
சிவகங்கை, தேனி, ராமநாதபுரம், திருநெல்வேலி, தூத்துக்குடி, விருதுநகர்,
கன்னியாகுமரி, அரியலூர், பெரம்பலூர், புதுக்கோட்டை, திருச்சி, கரூர்,
நாமக்கல், தஞ்சாவூர், திருவாரூர், நாகப்பட்டினம், திண்டுக்கல்,
திருவனந்தபுரம், சித்தூர் ஆகிய இடங்களில் உள்ள தனியார் மருத்துவமனைகளின்
உரிமையாளர்களுடன் நாளையும் உடன்பாடு ஏற்படுகிறது.

உடன்பாடு
செய்து கொள்வதற்கு முன்பு உயிர் காக்கும் சிகிச்சைக்கு அரசு அளித்துள்ள
காப்பீட்டுத் தொகை குறித்து தனியார் மருத்துவமனைகளுக்கு
தெரியப்படுத்தப்படும். உதாரணமாக இருதய பை-பாஸ் அறுவை சிகிச்சைக்கு தனியார்
மருத்துவ மனையின் அடிப்படை கட்டமைப்பு வசதிக்கு ஏற்ப ரூ. 90 ஆயிரம் அல்லது
ரூ. 72 ஆயிரம் அல்லது ரூ. 63 ஆயிரம் என மூன்று வகையான தொகைகள்
நிர்ணயிக்கப்பட்டுள்ளன.

இதேபோல இருதய ஆஞ்சியோ
பிளாஸ்ட்டி-ஸ்டெண்ட் சிகிச்சைக்கு ரூ. 60 ஆயிரம் அல்லது ரூ. 48 ஆயிரம்
அல்லது ரூ. 42 ஆயிரம் என காப்பீட்டுத் தொகையை அரசு நிர்ணயித்துள்ளது.

தி.மு.க.
அரசு செயல்படுத்திய கலைஞர் காப்பீட்டு திட்டம் கடந்த ஜூன் 1-ந் தேதி ரத்து
செய்யப்பட்டது. ஆனாலும் பழைய காப்பீட்டு திட்டத்தில் தனியார்
மருத்துவமனைகளில் சிகிச்சை மேற்கொண்டவர்களுக்கு ஜூலை 5-ந் தேதி வரை
இழப்பீட்டை அரசு வழங்கி விட்டது.

இந்த நிலையில்
முதல்-அமைச்சர் ஜெயலலிதாவின் முழுமையான புதிய காப்பீட்டு திட்டம்
அமல்படுத்தப்படும் வரை இடைக்கால ஏற்பாடாக வரும் அக்டோபர் மாதம் வரை உயிர்
காக்கும் சிகிச்சைகளுக்கு நிதி அளிக்க முடிவு செய்யப்பட்டுள்ளது. உயிர்
காக்கும் 204 வகையான சிகிச்சைகளுக்கு அரசு முடிவு செய்துள்ளது

மாலை மலர்

இது தனியார் மருத்துவமனைக்கு ஜெ கொடுக்கும் ஊழல் திட்டம் இத்னால் நாட்டு மக்களுக்கு பெரிய பயன் ஒன்றும் இல்லை