உதயன் செய்தி ஆசிரியர் தாக்குதல்; பொலிஸ் மா அதிபர் ஜனாதிபதிக்கு அறிக்கை

உதயன் செய்தி ஆசிரியர் தாக்குதல்; பொலிஸ் மா அதிபர் ஜனாதிபதிக்கு அறிக்கை
மர்லின் மரிக்கார்
யாழ். குடாநாட்டில் வெளிவரும் உதயன் பத்திரிகையின் செய்தியாசிரியர் ஞா. குகநாதன் தாக்கப்பட்டது தொடர்பான ஆரம்பகட்ட அறிக்கையை பொலிஸ் மா அதிபர் என். கே. இலங்கக்கோன் ஜனாதிபதி மஹிந்த ராஜபக்ஷ அவர்களிடம் கையளித்துள்ளார்.

பொலிஸ் மா அதிபர் ஆரம்ப கட்ட அறிக்கையை ஜனாதிபதியிடம் கையளித்துள்ள அதேவேளையில் இத்தாக்குதல் சம்பவம் குறித்த விசாரணைகள் தொடர்ந்தும் இடம்பெற்று வருவதாக ஜனாதிபதியின் ஊடகப் பணிப்பாளர் நாயகம் பந்துல ஜயசேகர நேற்றுத் தெரிவித்தார்.

செய்தியாசிரியர் குகநாதன் கடந்த வெள்ளியன்று மாலை வேளையில் தமது அலுவலகக் கடமைகளை முடித்துக் கொண்டு வீடு திரும்பும் போது இனம் தெரியாதோரின் தாக்குதலுக்கு இலக்காகி யாழ். போதனா ஆஸ்பத்திரியின் தீவிர சிகிச்சை பிரிவில் சிகிச்சை பெற்று வருகின்றார்.

இவ்வாறான நிலையில் ஜனாதிபதி மஹிந்த ராஜபக்ஷ அவர்கள் இத் தாக்குதல் சம்பவம் தொடர்பாக துரிதமாக விசாரணை நடத்தி தமக்கு அறிக்கை சமர்ப்பிக்குமாறு பொலிஸ் மா அதிபருக்கு கடந்த ஞாயிறன்று அறிவுறுத்தல் வழங்கியிருந்தார். இதனடிப்படையிலேயே பொலிஸ் மா அதிபர் இந்த அறிக்கையை ஜனாதிபதியிடம் கையளித்துள்ளார்.

:”@: