11 பெண்களுக்கு எச். ஐ. வி. நோயை பரப்பிய நபருக்கு ஆயுள் தண்டனை

11 பெண்களுக்கு எச். ஐ. வி. நோயை பரப்பிய நபருக்கு ஆயுள் தண்டனை
கனடாவில் 11 பெண்களுக்கு எச். ஐ. வி. பரப்பியவருக்கு ஆயுள் தண்டனை விதிக்கப்பட்டுள்ளது. ஆபிரிக்க நாடான உகண்டாவைச் சேர்ந்தவர் ஜோன்சன். கனடா நாட்டு குடியுரிமை பெற்று அங்கு வசித்து வந்தார். ஜோன்சனுக்கு எச். ஐ. வி. பாதிப்பு இருப்பது 1996 ஆம் ஆண்டு தெரியவந்தது. இதை மறைத்து பல பெண்களுடன் உறவு கொண்டார்.

11 பெண்களுக்கு எச். ஐ. வி. நோயை பரப்பினார். இதில் 2 பேர் இறந்துவிட்டனர். 2003 ஆம் ஆண்டு இது தொடர்பாக தொடரப்பட்ட வழக்கின் அடிப்படையில் ஜோன்சனை பொலிஸார் கைது செய்தனர். அவர் மீதான குற்றம் நிரூபிக்கப்பட்டது.

இந்த வழக்கில் நேற்று ஆண்டாரியோ நீதிமன்றத்தில் தீர்ப்பு வழங்கப்பட்டது. ஜோன்சனுக்கு ஆயுள் தண்டனை வழங்கி நீதிபதிகள் தீர்ப்பு கூறினர். கனடாவில் ஆயுள் தண்டனை பெறும் கைதிகள் 25 ஆண்டு சிறைவாசத்துக்கு பிறகு பிணையில் செல்ல அனுமதி வழங்கப்படும். ஆனால் ஜோன்சன் ஆபத்தான குற்றவாளி என அறிவித்த நீதிமன்றம் அவரது பிணை குறித்து ஆலோசித்து முடிவு எடுக்கப்படும் என்று கூறியுள்ளது.

‘கனடா நீதிமன்ற விசாரணை மீது தனக்கு நம்பிக்கை இல்லை. உகண்டா அல்லது கென்யாவில் விசாரணையை சந்திக்கிறேன்’ என்ற ஜோன்சனின் வார்த்தை நீதிமன்றம் ஏற்றுக்கொள்ள வில்லை. அவரை வெளியே விடுவது ஆபத்து என நீதிபதிகள் நிராகரித்து விட்டனர்.

இவனையெல்லாம் உடனே :#.: :#.: