பிளாஸ்டிக் இருதயத்துடன்

பிளாஸ்டிக் இருதயம் பொருத்தப்பட்டு ஒருவர் முதன் முறையாக வீட்டுக்கு அனுப்பி வைக்கப்பட்டுள்ளார். பிரித்தானியாவைச் சேர்ந்த 40 வயதான மத்தியூ கிறீன் என்பவருக்கே செயற்கை இருதயம் வெற்றிகரமாக பொருத்தி சாதனை நிலைநாட்டப்பட்டுள்ளது.


இவர் இருதய நோயினால் மிகவும் அவதிப்பட்டார். உயிருக்கு ஆபத்தான நிலையில் இருந்த அவரை லண்டனில் உள்ள பாப்ஓர்த் என்ற ஆஸ்பத்திரியில் சேர்த்தனர்.



அவரை டாக்டர் ஸ்டீவன் சூய் தலைமையிலான டாக்டர்கள் பரிசோதனை செய்தனர். அதில் அவரது இருதயம் முழுவதும் பாதிப்பு அடைந்து இருந்தது கண்டுபிடிக்கப்பட்டது.
உயிருக்கு ஆபத்தான நிலையில் இருக்கும் அவருக்கு உடனடியாக மாற்று இருதயம் பொருத்த வேண்டிய கட்டாய சூழ்நிலையை உணர்ந்தனர்.


உடனடியாக அவருக்கு பொருத்தமான மாற்று இருதயம் பெறுவதிலும் சிக்கல் ஏற்பட்டது.
இதை தொடர்ந்து அவருக்கு பிளாஸ்டிக் மாற்று இருதயம் பொருத்தினர். அதற்கான அறுவைச்சிகிச்சை சுமார் 6 மணி நேரம் நடந்தது.


அறுவைச்சிகிச்சை வெற்றிகரமாக நடந்ததால் அவர் தற்போது செயற்கை இருதயத்துடன் வீட்டுக்குத் திரும்பியுள்ளதாக மருத்துவர் ஸ்டீவன் சூய் கூறியுள்ளார்.
தான் இப்போது நன்றாக உணர்வதாக தெரிவித்துள்ளார் மத்தியூ கிறீன்.

மாசாஅல்லாஹ் இறைவனின் அருட்கொடை மனிதன் அவனால் ஆராய்ச்சி உலகுக்கு வரப்பிரசாதம்