தொடரும் வன்முறை: சிரியாவுக்கு பாதுகாப்புச் சபை கண்டனம்

தொடரும் வன்முறை: சிரியாவுக்கு பாதுகாப்புச் சபை கண்டனம்
பொது மக்கள் மீது நடத்தப்படும் தாக்குதலுக்கு எதிராக சிரிய அரசு மீது ஐ. நா. பாதுகாப்புச் சபை கண்டனம் தெரிவித்துள்ளது.

சிரிய அரசுக்கு எதிராக ஐ. நா. சபை முதல் முறையாக இந்த கண்டனத்தை வெளியிட்டுள்ளமை குறிப்பிடத்தக்கது.

சிரியாவில் ஜனாதிபதி பஷார் அல் - அசாத்திற்கு எதிராக போராட்டம் நடந்து வருகிறது.

போராட்டத்தை ஒடுக்குவதற்காக சிரிய இராணுவத்தினர் பீரங்கிகளால் பயங்கர தாக்குதல் நடத்தி வருகின்றனர். ஹமாவில், சிரிய இராணுவம் நடத்திய தாக்குதலில் பலர் கொல்லப்பட்டு உள்ளனர்.

கடந்த ஞாயிற்றுக்கிழமை முதல் இதுவரை 140 பேர் கொல்லப்பட்டு உள்ளதாக மனித உரிமைக் குழுக்கள் குற்றம் சாட்டி உள்ளன. குறிப்பாக ஹமா நகரில் வீதியில் நடந்து செல்பவர்களை சிரியா இராணுவம் கடுமையாக தாக்கி கொன்று வருவதாக குற்றம் சாட்டப்படுகிறது.

கடந்த மார்ச் மாதம் முதல் சிரிய ஜனாதிபதிக்கு எதிராக நடந்து வரும் போராட்டத்தில் 1600 பொது மக்கள் கொல்லப்பட்டுள்ளனர் என தெரிவிக்கப்பட்டுள்ளது. சிரிய இராணுவம், பொது மக்கள் மீது கண்மூடித்தனமாக நடத்தும் தாக்குதலுக்கு ஐ. நா. பாதுகாப்புக் கவுன்சில் நேற்று கண்டனம் தெரிவித்தது.

பொது மக்கள் மீது தாக்குதல் நடத்துவது, தொடர்ச்சியான மனித உரிமை மீறல்களில் ஈடுபடும் சிரிய அரசுக்கு எதிராக கண்டனத்தை வெளியிடுவதாக ஐ. நா. பாதுகாப்பு சபை நேற்று வெளியிட்ட அறிக்கையில் கூறப்பட்டுள்ளது. அத்துடன் சிரியாவில் ஏற்பட்டுள்ள வன்முறைக்கு அரசியல் தீர்வு முன்னெடுக்கப்பட வேண்டும் எனவும் அந்த அறிக்கையில் கூறப்பட்டுள்ளது.

நோட்ட படைகள தாக்கினால் ஏன் சொல்ல்வது இல்லை .இஸ்ரேல்
தாக்கினால் சொல்லவதில்லை ?