உனக்கு மூளை அவ்வளவுதான்

மனிதனின் மூளை இதற்கு மேல் வளர முடியாத நிலையை எட்டி விட்டதாக விஞ்ஞானிகள் கூறுகின்றனர்.
சைஸ் தொடர்பான வளர்ச்சி அல்ல; ஆற்றல் சம்பந்தப்பட்டது. கேம்ப்ரிட்ஜ் யுனிவர்சிடியில் நடத்தப்பட்ட ஆய்வு முடிவுகளை வெளியிட்ட விஞ்ஞானிகள் குழு, இப்போது இருப்பதைவிட புத்திசாலியாக யாரும் பிறந்துவிட போவதில்லை என்று தெரிவித்துள்ளனர்.

மூளையின் செயல்பாட்டுக்கு சக்தி தேவை. செல்கள் ஒன்றுடன் ஒன்று எவ்வளவு அதிகமாகவும் விரைவாகவும் தொடர்பு கொள்ள முடிகிறதோ அதை பொருத்துதான் சிக்கலான வேலைகளை மூளையால் நிறைவேற்ற முடியும். கம்ப்யூட்டர் கடினமான கணக்குகளை போடும்போது அதிகமான சக்தி செலவிடப்படுவதற்கு சமமானது இது. ஒரு பிரச்னையை பல கோணங்களில் சிந்திக்கும்போது மூளை சூடாவதாக & அல்லது தலைவலியை & உணர்வது அதனால்தான்.

உணவும் ஆக்சிஜனும்தான் மூளைக்கு தேவையான சக்தியை அளிக்கின்றன. எது குறைந்தாலும் மூளையின் செயல்பாடு, ஆற்றல் பாதிக்கப்படும். மொத்த உடலில் மூளையின் சைஸ் 2 சதவீதம் மட்டும்; ஆனால், உடலுக்கு கிடைக்கும் சக்தியில் 20 சதவீதம் மேல் மூளைதான் உபயோகிக்கிறது. நாம் சாப்பிடும் சத்தான உணவையும் ரத்த நாளங்கள் வழியாக செலுத்தப்படும் ஆக்சிஜனின் அளவையும் அதிகரிக்க வழியேதும் இல்லை என்பதால் மூளையின் ஆற்றல் இறுதிக் கட்டத்தை அடைந்துவிட்டது என்பது விஞ்ஞானிகளின் கணிப்பு.

விஞ்ஞானிகள் சொல்லிவிட்டதால் மட்டும் அப்படியே ஏற்றுக் கொள்ள முடியாது. உடல் மூலமாக மூளைக்கு கிடைக்கும் சக்திக்கு உச்சவரம்பு இருக்கலாம். பஞ்சபூதங்களால் ஆன பிரபஞ்சத்தில் இருந்தே ஆழ்நிலை தியானத்தின் வாயிலாக கூடுதல் சக்தியை கிரகிக்கலாம் என்பது குண்டலினி யோகத்தின் மந்திரம். போலி சாமியார்கள் அதை மேஜிக் ஷோ மாதிரி கொச்சைப்படுத்தினாலும், புராதனமான வாழ்வியல் பயிற்சிகள் போலியல்ல.

கூட்டல் கழித்தலுக்கு கேல்குலேட்டர், பெயர்கள் எண்களை பதிந்துவைக்க ஃபோன்புக், தீவிர தேடலுக்கு கூகுள் என வசதிகள் வந்தபின் மூளையின் பல செயல்பாடுகள் தேவையற்று முடங்கிவிட்டன. அத்தகைய வேலைகளுக்கு பயன்பட்ட செல்களையும் சக்தியையும் வேறுவகையில் திருப்பிவிட என்ன வழி என்று ஆராய்ந்தால் பலன் கிடைக்கலாம்.

மூளையின் ஆற்றலோடு புதிய கண்டுபிடிப்புகளை ஒப்பிடக்கூடாது என்றால் இது உண்மைதான் புதிய கண்டுபிடிப்புகளுக்கு மூளையின் ஆற்றல் மட்டும் காரணம் இல்லை ,மனிதனின் சூழ் நிலைதான் முக்கிய காரணம் .....உலகம் அழியும்வரை புதுமைகள் வந்துகொண்டே இருக்கும் .....

jasmin wrote:மூளையின் ஆற்றலோடு புதிய கண்டுபிடிப்புகளை ஒப்பிடக்கூடாது என்றால் இது உண்மைதான் புதிய கண்டுபிடிப்புகளுக்கு மூளையின் ஆற்றல் மட்டும் காரணம் இல்லை ,மனிதனின் சூழ் நிலைதான் முக்கிய காரணம் .....உலகம் அழியும்வரை புதுமைகள் வந்துகொண்டே இருக்கும் .....

உண்மையினை உரக்கச் சொல்றிங்க உண்மைதான்

இது ஒன்னு போதும் வேற எதுவுமே இத நிவர்த்தி செய்யாது